Kaso sa pulis pagpanlugos way mahitabo nga surambaw -Dela Rosa
Sunday, March 14, 2010
More Sections
GIPANIGURO sa pamunuan sa Davao del Sur Provincial Police Office nga way mahitabong surambaw sa giatubang nga kaso sa usa ka pulis ug sa laing tulo ka mga kauban niini.
Niguwa ang pasalig ni Davao del Sur Senior Superintendent Ronald Dela Rosa, provincial police director, human nailhan ang mga suspek nga naglugos sa usa ka 16 anyos nga mao sila si Police Officer 2 Erwin Lloyd Rosello, 2 ka police auxiliary nga sila si Wilson Libres ug Jacinto Gonzales ug usa ka Nestor Blanco.
Have something to report? Tell us in text, photos or videos.
Sa testimonya sa complainant, siya nagkanayon nga sa sud sa Estrada police outpost nahitabo ang pagpanglugos.
Gisiguro ni Dela Rosa nga way "white wash" sa kaso.
"I take it as an isolated case hindi ko i-generalize ang lahat ng police," ni Dela Rosa pa.
Niadtong Marso 1 pa nireklamo ang pamilya sa biktima human giingong nahitabo ang insidente niadtong katapusang semana sa Pebrero.
Giingong namalit ang biktima, gihulagway nga kuwang og saktong pangisip, sa usa ka shopping center sa siyudad apan nadakpan kini kay way saktong ikabayad sa iyang gipamalit.
Gawas sa kasong kriminal, kasong administratibo sab ang atubangon sa maong pulis.
Sa milabayng tuig, nabulabog sab ang usa ka opisyal sa kapulisan ug daling gikasohan human giingong nangabuso kini sa iyang mga ginsakpan nga babayeng pulis. (Dondon Dinoy)
