Katrina, naglisod na

Friday, February 5, 2010

GIANGKON sa kampo sa aktres nga si Katrina Halili nga nagka-bikus-bikos na kini sa pagbayad sa iyang mga utang sa kasamtangan.

Sumala sa road manager ni Katrina nga si Omar Sortijas, 4 years nga magbayad si Katrina og P150 mil matag buwan alang sa balay nga napalit niini sa New Manila.

Have something to report? Tell us in text, photos or videos.

Kabado daw si Katrina sa iyang future tungod kay after Darna, wala pa'y follow-up project ang aktres ug wala pa usa'y nasulti ang GMA kung naa ba siya'y apilan nga mga proyekto sa umaabot.

According sab sa kampo ni Katrina nga kinatibuk-ang P300 mil matag buwan ang iyang kinahanglan aron siya maka-survive sa mga galastuhan.

Aron daw nga magiyahan si Katrina sa pag-atubang sa iyang pinansiyal nag reponsibilidad, gisulti ni Omar nga kanunay na gayud mag-ampo ang aktres.

Nisamot pa karon ang kalisod ni Katrina tungod kay nagsakit ang iyang lola. Last Tuesday, naoperahan ang iyang lola sa UST hospital ug ang aktres gayud ang mibantay kaniya.

Mao nga karon, wish ni Katrina nga maka-survive na sab siya sa mga suliran karon human siya gihapak sa isyu sa sex video scandal last year.

Giangkon sab sa kampo ni Katrina nga lisod sab alang sa aktres karon ang galastuhan aron makasugakod siya sa kasong gipasang-at batok Hayden Kho, Jr. may kalabutan sa iyang sex video scandal.

Karon, malaumon si Katrina nga mahatagan siya og dugang projects aron nga maka-survive sa iyang mga panginahanglan.

Drama ever!