Kris nang-echos?

Sunday, March 14, 2010

DAGHAN gayud ang nalipay sa gipakitang humility ni Kris Aquino dihang niadto kini sa haya sa inahan sa dugay na niyang kritiko ug naka-bangi nga si Cristy Fermin.

Si Kris, niadto sa haya ni Felina S. Fermin nga inahan ni Cristy nga kanhing host sa The Buzz.

Have something to report? Tell us in text, photos or videos.

Si Kris, kauban ang iyang higala, miadto kang Cristy nga mihalok aron nga ipaabot ang iyang pahisubo sa nawalang inahan.

Nagdungan pa sila ni Tita Cristy ug Kris nga mitan-aw sa patay'ng lawas sa namatay ug kadugayan, nagka-chika-chika na.

Giabi-abi pag-ayo ni Cristy si Kris ug nagpa-picture pa sila.

Apan may mga dili kumbinsido sa sensiridad ni Kris.

Sumala pa nga nang-echos lamang kini aron daw mohumot ang ngalan sa publiko ilabina kay pikas-pikas ang gilambigitan niining eskandalo.

Ang mga dili maayong write-ups batok kang Kris, nagpaunlod sab sa iyang igsuon nga si Noynoy Aquino nga modagan sa pagka-Presidente sa nasud.

Mao nga karon, di gayud daw mamahay si Kris nga makig-echosan sa press aron lamang mohumot ang iyang ngalan. Usa na gayud daw sa iyang am-aman karon mao si Tita Cristy.

True kaha kini? In fairness kang Kris, di sayon ang iyang gibuhat ug siya lamang gayud ang nasayud sa tinuod niyang intensiyon.