GIBUTYAG ni Kris Aquino nga wa gayu'y unsa mang isyu kanila ni kanhing Presidente Joseph Estrada.

Kini bisan pa man sa mga istorya nga nakabantay na matud pa si Erap nga daw gipaboran sa ABS-CBN ang igsuon ni Kris nga si Sen. Benigno "Noynoy" Aquino III isip bet nila sa 2010 Presidential elections.

"Whether you believe it or not, we still have good relations with him," sumala ni Kris. "In fact, manonood kami ng sisters ko ng movie nila ni Ai-Ai because it's Ai-Ais birthday," tipik sa pahayag ni Kris sa abs-cbnnews.com.

Joke pa ni Kris, kung di daw siya tagdon ni Erap sa premiere night sa pelikula sa kanhi pangulo ug Ai Ai, diha na siya makasulti nga nalain si Erap kaniya.

Sigun ni Kris nga padayon pa siyang ginahatagan og prutas ni Erap, sama kaniadtong nagsakit pa ang iyang inahan nga si kanhi pangulong Corazon "Cory" Aquino.

"You know, regularly, he (Estrada) sends us fruits pa rin. Kasi dati, the whole time mom was sick, every week nagpapadala siya. Tapos, last week lang nagpadala siya sa amin ng peaches, ponkans (oranges), and grapes."

Si Erap, mo-guest unta sa The Buzz pila na ka Dominggo ang milabay apan wala mahinayon tungod kay naglain matud pa ang lawas.

Di sab kumbinsido si Kris nga siya ang hinungdan kung nganong di mo-guest si Erap sa "The Buzz."

"Baka it's not about us, but another issue about the movie. Baka meron silang issue doon," ni Kris.

"Baka he really was not feeling well kaya ayaw niya. As far as my family is concerned and he is concerned, the communication lines remain open. Pero parang wala naman. Kasi kung ayaw na niya talaga sa 'min 'di wala nang fruits," niya.