Krista mopatagad na sab?

Friday, March 19, 2010

HUMAN ang kadaugan ni Manny Pacquiao sa Ghanian nga si Joshua Clottey niadtong Dominggo, gilauman nga subling sumsuman sa mga tawo ang wala pa natapos nga isyu ni Pacman ug sa aktres nga si Krista Ranillo.

Si Krista, kasamtangang naa sa Amerika nga gikahibulong sa tanan tungod kay daw nigawas nga niapas kang Manny sukad nagbansay kini sa away nila ni Clottey.

Have something to report? Tell us in text, photos or videos.

Gani, may istorya pa nga nagakita daw gihapon sila si Krista ug Manny sa Amerika.

Si Manny, una nang naitok sa maong mga istorya nga kadali nahilom dihang nagkaduol na ang ilang away ni Clottey. Karon, siguradong ukayon na sab kini tungod kay si Krista, gitakdang mobalik na sa nasud.

Ang makalowkesh, si Manny, gitakdang mobalik na sab sa Pinas kauban ang asawang si Jinkee.

Sumala sa manager ni Krista nga si Arnold Vegafria, mobalik gayud sa nasud ang aktres.

"Babalik siya. May commitment siya rito. Meron siyang show sa TV5 tapos may gagawin pa siya sa ABS-CBN," sumala ni Arnold sa usa ka interview.

Anyway, may mga istorya karon nga sa pagbalik ni Krista sa Pilipinas, mopa-interview daw kini sa Startalk tungod kay naa siya'y iyagyag nga istorya.

Ang pangutana, unsa kaha kini? Magpatagad na sab ba si Krista? We'll see.