Laborer natabunan og yuta

Friday, March 19, 2010

PATAY ang usa ka laborer human natabunan og yuta didto sa probinsiya sa Cotabato.

Ang kapulisan nag-ila sa biktima nga mao si Melvin Peroy, 29 anyos, minyo ug molupyo sa Barangay Poblacion, M’lang.

Have something to report? Tell us in text, photos or videos.

Sigun sa taho gikan sa Cotabato Police Provincial Office, nga banda alas 8:40 sa buntag, Marso 19, nagkalot og culvert canal ang biktima sa Barangay Buayan sa National Irrigation Administration (NIA) sa diha nga kalit nahugmak ang dakong parte sa yuta ug natabunan si Peroy.

Gitabang siya sa iyang mga kauban ug gidala sa M’lang District Hospital, apan pipila ka oras ang milabay, gidiklara siya sa mga attending physician nga nakabsan na sa iyang kinabuhi gumikan sa grabeng bun-og ug bali sa nagkadaiyang parte sa iyang lawas.

Matud ni Jerry, paryente sa biktima, nga nakakita sa hitabo, nga dakong tipak sa yuta kilid sa laom nga kanal nga gikalot ni Peroy maoy naka-igo ug nakatabon niya, hinungdan sa iyang kamatayon.

Hinuon, ang mga opisyal sa NIA-12 gikataho nga andam motabang sa pamilya sa biktima samtang nagpadayon ang imbestigasyon sa kapulisan sa maong hitabo.

Nagpadala sab og hinabang si M’lang Municipal Mayor Lito Piñol ngadto sa namatyan. (Edgardo Fuerzas)