Lalaki gitigbas sa silingan

NILANDING sa balay tambalanan ang usa ka lalaki human gitigbas sa iyang kaugalingong silingan niaging adlaw sa P-2, South Poblacion, lungsod sa Maramag, Bukidnon.

Giilang biktima mao si Albert L. Burato, 27, ulitawo, laborer, resident susamang dapit.

Gitumbok nga suspek mao si Jirell L. Azpa, 32, minyo, silingan sa biktima.

Sa inisyal nga imbestigasyon sa Maramag Police Station, nasuta nga ang suspek ug biktima ang kanunay na nga gabikil ug kanhi na usab adunay away.

Tungod kay silingan lang sila ug usa ra ang dalan nga gaagian, nagtagbo ang duha ug daw nagsininggita nga miresulta sa pagpanghagit nga magsukmagay.

Apan giingong wala makuntento ang suspetsado, mikuha kini og tapasay sa sagbot ug giayo og tigbas ang biktima sa iyang bukton. Taliwala samdan ang biktima midali kini sa pagdagan ug nakapangayo og tabang.

Daling miresponde ang kapolisan nga miresulta sa pagkasikop sa suspetsado.

Migawas ang report gikan sa mga silingan nga gikasuko sa suspetsado ang mga saway sa biktima nga daw pangit kini og hitsura.

Apan gihimakak kini sa kapolisan tungod kay padayon pa ang ilang imbestigasyon kung unsay lawom nga hinungdan sa ilang panaglalis.

Ang biktima gidala na sa balay tambalanan sa dapit. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph