Lalaki nabuthan og granada, nabungkag
Sunday, March 21, 2010
More Sections
GITUOHANG dunay deperensiya sa pangisip ang usa ka lalaki nga nabuthan sa granada didto sa barangay Maluko, Manolo Fortich, Bukidnon.
Naila ang biktima nga si Menio Madrid, 23 anyos, ulitawo, ug nagpuyo sa maong barangay.
Have something to report? Tell us in text, photos or videos.
Sumala sa taho gikan sa Bukidnon Police Provincial Office, nga gidula-dulaan sa biktima ang usa ka fragmentation grenade alas 4:00 sa hapon, Marso 19.
Apan aksidente nga naibot ang 'safety pin' hinungdan sa pagbusikad sa eksplosibo.
Wala na mahitsura ang patay'ng lawas sa lalaki tungod kay maayo kaayo ning pagkaguba tungod sa kusog nga pagbusikad.
Sa pagkakaron, blangko pa ang mga otoridad kun asa gikan ang granada nga gidala sa biktima.
Padayon pa ang ilang gihimong imbestigasyon kalabot sa hitabo. (Edgardo Fuerzas)
