NAHIMONG hisgutanan sa nakalabay nga semana ang 'engkwentro' nila ni Chin-Chin Gutierrez ug Lorna Tolentino sa seryeng 'Dahil May Isang Ikaw.'
Sa maong eksena, may dumug-dumog galore ang duha nga magkaribal sa serye.

May chika last week nga nanghubag ang nawong ni Lorna tungod sa maong eksena ug tinuod nga nasakitan siya kang Chin-Chin.

Last Monday, gipakita ang eksena sa duha apan giputol kini tungod kay makita gayud daw nga todo ang sakit nga gibati ni Lorna.

Dihang nisulti si Lorna nga di na siya mo-comment bahin sa isyu, na-chika nga gimik lang ang istoryang tinuod siyang napasakitan ni Chin-Chin.

Apan sa usa ka artikulo sa Philippine Entertainment Portal, naklaro ang tanan. Tinuod gyud nga nasakitan si Lorna ug di na gyud siya makigtrabaho kang Chin-Chin.

Dumog, sagpa ug kambras sa nawong, bukol sa ubos sa iyang baba ang naangkon ni Lorna gikan kang Chin Chin.

Sa maong confrontation scene, dapat daw, mamahimong dialogue ni Lorna, "Ilabas n'yo na ang babaeng 'yan!" apan tungod kay nasakitan, nakasulti daw si Lorna og "Ilabas n'yo ang p...i... babaeng 'yan!"

Bisan nasakitan, gihuman gyud ni Lorna ang eksena ug dali nga mikuha og ice human niini aron malikayan ang pagpanghubag sa iyang nawong.

Didto, nigawas ang pahayag ni Lorna nga di na siya gusto nga makauban sa eksena si Chin-Chin. Nihilak daw si Chin-Chin sa maong istorya ug nangayo'g sorry kang Lorna nga gidawat sab sa uwahi.

Sa text message ni Lorna last November 4 sa PEP writer, tataw nga na-trauma na siya kang Chin-Chin.

"Nalulungkot ako sa nangyari dahil hindi ko kailangan ng intriga. Mapapatawad ko siya, pero professionally, hindi ko kaya na makaeksena pa siya. Sinadya niya ang nangyari.

"Maintindihan sana ng lahat ang nararamdaman ko bilang isang artista. Ang gusto ko na lang na sa nalalabing buhay ko ay makapag-iwan nang maayos at matinong trabaho. Matanda na ako para sa intriga. Tanggap ko na sa paglipas ng panahon mula sa pagiging ina, magiging lola na rin ang mga trabaho na ibibigay sa akin. Maligaya ako sa success ng kapwa ko artista."

Ang maong pahayag ni Lorna, pagpamatuod lamang nga tinuod ang isyu ug di lang publicity stunt sa ilang serye.