Mag-uuma giluba, patay

Sunday, March 14, 2010

USA ka mag-uuma ang namatay human giluba sa iyang kainom didto sa Purok 6, Barangay Cebuleda, lungsod sa Laak, Compotel Valley (Comval) province.

Ang biktima mao si Jhon Cuico, 26, ug molupyo sa Purok 5, Barangay Cebuleda.

Have something to report? Tell us in text, photos or videos.

Samtang ang suspek nailhan nga mao si Virgilio Buhay 22, molupyo sa Purok 2, susamang Barangay.

Sa report gikan sa Comval Province Police Provincial Office nasayran nga nahitabo ang pagpanunggab pasado alas 8:00 sa gabii niadtong Biyernes.

Samtang nag-inom ang biktima ug ang suspek uban ang laing mga higala sa balay sa usa ka Alex Zamora didto sa nahisgutang dapit.

Dihang nangahubog ba nagkasumpaki ang duha tungod kay wa nagkasibtanay.

Kalit nga mihulbot sa ihang hinagiban ang suspek ug sa way paglangan gidunggab ang biktima gamit ang kutsilyo nga dunay gitas-on nga 18 ka pulgada.

Ang biktima nahiagum og mga samad dinunggaban sa kalawasan nga miresulta sa iyang kamatayon.

Ang suspek wa na sab makahimo pa sa pag-ikyas ug nasikop sa mga miresponding sakop sa kapulisan.

Gitanggong dayon sulod sa selda ang suspek samtang tukmang kaso ang gihikay batok niini. (Marvin Pineda)