Mag-uuma gitipi

Saturday, March 13, 2010

PATAY ang usa ka mag-uuma human siya gipusil sa mga armado didto sa probinsiya sa Maguindanao.

Ang kapulisan nag-ila sa biktima nga mao si Usman Tamigue, 44 anyos, minyo, molupyo sa barangay Bayanga, Barira.

Have something to report? Tell us in text, photos or videos.

Sa report gikan Maguindanao Police Provincial Office, nasayran nga alas 5:20 sa hapon, Marso 12, nahitabo ang krimen.

Sumala pa nga samtang naglakaw ang biktima gikan sa iyang uma pauli sa iyang bay, gisugat kini sa armadong lalaki. Way daghang pangutana, gipaulanan siya'g bala sa M16 armalite rifles.

Patay on the spot si Tamique human matusak-tusak ang lawas. Siyam ka mga samad pinusilan ang iyang naangkon.

Mga suspek, abtik sab nga misibat sa lugar, human nga nagmalampuson ang ilang tumong.

Nagtuo si Bainon, kapikas sa biktima nga posibling naalaan nga asset sa militar ang iyang bana mao nga gipatay kini sa mga armado.

Ang pinuy-anan sa biktima nahimutang duol lamang sa detachment sa mga sundalo.

May grupo na sab nga gipanid-an ang otoridad nga posibleng dunay kalambigitan sa pagpusil-patay sa mag-uuma. (Edgardo Fuerzas)