Mag-uuma gitipi sa Banisilan, North Cotabato
Friday, March 19, 2010
More Sections
USA ka mag-uuma gipusil, patay sa armadong grupo sa North Cotabato.
Ang kapulisan nag-ila sa biktima nga mao si Abdullah Buat, 49 anyos, minyo ug molupyo sa sitio Patindiguen, Barangay Pantar, Banisilan.
Have something to report? Tell us in text, photos or videos.
Base sa taho gikan sa Cotabato Police Provincial Office, nga banda alas 4:00 sa hapon, Marso 18, naglakaw ang biktima gikan sa iyang uma pauli sa iyang bay sa diha nga giatangan sa mga armadong lalaki ug gipusil gamit ang m14 ug m16 armalite rifles.
Patay diha dayon si Buat kinsa natadtad sa mga bala ang nagkadaiyang parte sa iyang lawas samtang ang mga suspek dali nga miiskapo paingon sa wala matino nga dapit, human nila nasiplatan nga niresponde na ang mga ginsakpan sa 38th Infantry Batallion sa Philippine Army, kauban ang mga Cafgu ug Cvo.
Dako ang pagtuo ni Banisilan Municipal Mayor Betty Allado nga away sa pamilya o redo ang motibo sa hitabo gumikan sa panagbingkil sa yuta nga ilang giugmad.
Dihang gi-ihap nasuta nga 30 ka mga samad ang naangkon sa mag-uuma.
Gimando na ni Cotabato Governor Jesus Sacdalan ngadto sa kapulisan ang paglusad og imbestigasyon sa sunod-sunod nga pagpamusil sa Banisilan, apil na ang nahitabong masaker, diin tulo ang napatay ug duha ang naangol. (Edgardo Fuerzas)
