Mag-uuma, nakuhaan og marijuana

Sunday, March 21, 2010

MGA otoridad nakasignit sa usa ka mag-uuma kinsa nakuhaan og 30 kilos nga gituohang marijuana didto sa barangay San Miguel, Cabanglasan, Bukidnon.

Ang pagkasikop sa mag-uuma nahitabo human gilusad sa Philippine Drug Enforcement Agency Northern Mindanao (PDEA-10) ug Bukidnon Philippine National Police ang usa ka operasyon.

Have something to report? Tell us in text, photos or videos.

Alas 7:00 sa gabii, Marso 19, gironda sa mga otoridad ang gilubluban sa suspek nga nailhang si Vergel Quiblatan, 26 anyos, ug molupyo sa maong dapit.

Nakuha sab gikan niya ang singko mil pesos nga salapi nga nagsilbing marked money.

Nasayran nga niadtong miaging bulan, dungan nga gipang-ibot sa militar ug kapulisan ang marijuana nga gitanum didto sa tulo ka ektaryang luna nga may market value nga 21 milyones pesos. (Edgardo Fuerzas)