Makabayan mikondena sa panghulga sa mga kandidato

Friday, April 30, 2010

ANG Makabayang Koalisyon ng Mamamayan (Makabayan) mikondena sa pagpanghulga batok sa mga progresibong kandidato nga nagpapili karong Mayo 10 nga eleksyon.

Ang pagkondena gikan kang Ariel Casilao, Makabayan Regional spokesperson, human nadawat ang impormasyon nga nailhan na ang sakyanan nga gigamit sa mga tawo nga namilit og popaganda batok sa mga progresibong pundok pinaagi sa Land Transportation Office (LTO).

Have something to report? Tell us in text, photos or videos.

Si Casilao mikompirma nga ang sakyanan namutang og mga posters batok sa mga kandidato sa Makabayan dunay plate number PJF 185, nakarehistro ilawom sa National Intelligence Coordinating Agency (NICA) sa Quezon City.

Matud ni Casilao nga usa ka kolor gray nga sakyanan ang gikataho nga nabutang og mga Anti-Satur Ocampo, Liza Maza, Joel Virador ug Leah Librado campaign materials sa tibuok sa siyudad sa Davao.

"This corrupt and fascist regime of Arroyo is rehashing the old McCarthyist witch-hunting during the Cold War of the 50's-60's in the US, as well as the failed martial law tactics of the 70's-80's, to implicate the progressive groups and candidates with the CPP, the NPA and the NDF," ni Casilao.

Si Casilao midugang nga kining maong lakang usa ka desperado nga lakang sa militar.

"The Arroyo regime tried to use red-scare but failed when progressive Bayan Muna Partylist first ran in 2001, where Bayan Muna got more than a million votes, in 2004 where Bayan Muna, Gabriela and Anakpawis secured more than two million votes, and in 2007 where the progressive partylist block secured addional seats plus one from the Kabataan partylist securing more than four million votes," ni Casilao.

Mga kandidato sama nila Liza Maza ug Satur Ocampo ug mga partylists Gabriela, Bayan Muna, Anakpawis, Kabataan, ACT ug Katribu, suma ni Casilao, nakasinati pagpanghasi sa tibuok nasud nga hinimuan sa militar ug para-military. (AD)