Mariel, evicted!

Sunday, February 7, 2010

SAYANG apan wala na gayud masungkit sa housemate nga si Mariel gikan sa siyudad sa Davao ang dungog nga mahimong kabahin sa Big 5 sa Pinoy Big Brother Double Up.

Si Mariel ang last evictee sa PBB Double Up human niya maangkon ang labing ubos nga ihap sa boto sa katawhan sa mga buot nilang mapabilin sa Big Brother House.

Have something to report? Tell us in text, photos or videos.

Si Mariel na lang unta ang nag-inusarang housemate nga originally gikan sa House B human nga natangtang na sab og hinay-hinay ang uban.

3.34% lamang ang naangkon ni Mariel sa kinatibuk-ang boto mao nga siya ang nagsilbing weakest link sa unom ka mga nahibiling housemates.
Originally, Big 4 lamang ang magsilbing pinaka-winner sa maong reality show. Apan tungod sa nindot nga response sa mga tawo, gihimo kining Big 5.

Ang giilang struggling mom from Davao, nagpaila sud sa PBB house nga usa ka single mom ug nabuntis sa usa ka minyong lalaki.

Sa PBB house, gipakita ni Mariel ang iyang pagka-palaban nga attitude ug ang iyang pagkatinuod.

Sud sab sa maong show, naistorya ni Mariel si Paul, ang amahan sa iyang anak aron hisgutan ang isyu sa ilang mga pamilya.

Wish ni Mariel nga sa gawas sa PBB house, wala man niya nakuha ang kadaugan nga mahimong kabahin sa Big 5, mahatagan sab siya og nindot nga mga oportunidad.

Nahimong part sa Big 5 sila si Johan, Steve (Tibo) from Cagayan de Oro, Melisa (Melai) of General Santos, Paul Jake from Cebu ug Jason.

Ang Big Night, himuon karong Sabado.