Menor giluba, patay

Monday, February 8, 2010

USA ka menor de edad nga lalaki ang gidunggab patay sa wa mailhing mga suspetsado samtang nagbaktas pauli sa iyang balay didto sa Purok 6, Barangay Magdum, dakbayan sa Tagum, Sabado sa gabii.

Giila ang biktima nga si Delia Divinagracia, 17, ug molupyo sa dapit.

Have something to report? Tell us in text, photos or videos.

Sumala sa report gikan sa Tagum City Police Station nga nahitabo ang pagpanunggab pasado alas 9:00 sa gabii, Sabado.

Nagbaktas ang biktima pauli sa iyang balay sa dihang kalit nga miduol kaniya ang duha ka wa mailhing mga suspetsado.

Ang usa sa mga suspek maoy midunggab sa biktima gamit ang usa ka kutsilyo samtang ang usa maoy nahimong look-out.

Ang biktima nahiagum og samad dinunggaban sa kalawasan hinungdan sa iyang kamatayon.

Human sa hitabo mga suspek abtik sab nga misibat.

Way nakaila sa mga suspek nga midunggab sa biktima nga gituohang dayo lamang sa lugar.

Nagtuo sab ang mga otoridad mga posibling naka-away na sa biktima ang mga suspek nga midunggab kaniya.

Kapulisan sa siyudad sa Tagum mihimo na karon og dugang imbestigasyon sa hitabo.

Gilutos na usab karon sa mga otoridad ang mga suspek. (Marvin Pineda)