DISBANDED as in nagbuwag-buwag na ang mga sakop sa grupong The Mocha Girls.

Kini human nga naghimo og kaugalingong singing group ang upat ka mga miyembro sa grupo.

Sila si Hershey Delas Alas, Bez Lacanlale, Grace Oracion, ug Heart de Guzman, nagbuwag sa ilang lead singer nga si Mocha Uson aron nga mohimo og bag-ong grupo nga gitawag nga Girlz Ink.

Gihimo ang pag-anunsiyo dihang gilusad ang bag-ong grupo, Lunes sa gabii.

Apan ang upat nagtin-aw nga di ang kasina sa kasikat ni Mocha ug kuwarta ang hinungdan sa ilang paghimo og laing grupo. Buot lang gyud daw nila nga mohimo og kaugalingong ngalan sa music scene.

Gani, ang mas sikat nga si Mocha, malipayon alang sa iyang mga kanhing bandmates ug naninguha nga mag-succeed sab sila sa ilang karera.

Sa bahin sab ni Mocha, siya nagkanayon nga mag-solo na lamang siya ug naa na sab siya'y back-up dancers-singers.