Nagtan-aw og sabong gitipi
Sunday, March 14, 2010
More Sections
PATAY diha-diha dayon ang usa ka lalaki human kini gidul-itan pagpusil sa wala mailhing mamumuno samtang nagtan-aw og sabong pasado alas-5 sa hapon, Sabado, didto sa Lebak, Sultan Kudarat Province.
Ang namatay nailhan nga si Erbo Arsenio, 23 anyos, ug ulitawo, molupyo sa maong dapit.
Have something to report? Tell us in text, photos or videos.
Sigun sa taho gikan Sultan Kudarat Police Provincial Office, nasayran nga ang biktima nagtan-aw og tigbakay sa maong lugar nga nahimutang lamang duol sa ilang panimalay.
Kalit lamang nga miabot ang duha ka wa mailhing suspek, sa way daghang pangutana gipusil ang 23-anyos gamit ang .45 nga pistola.
Ang biktima naigo diha mismo sa iyang tingkoy ug ang bala milapos ngadto sa aping nga maoy gituohang hinungdan sa iyang kamatayon.
Mga mamumuno abtik nga misibat sakay sa XRM nga motorsiklo paingon sa wala matino nga direksyon human sa pagpamusil.
Sigun sa mga otoridad posibleng personal nga atraso ug dako ang kalagot sa mga suspek ngadto sa biktima.
Wala sab gisalikway sa kapulisan nga posibleng dunay gikaaway ang biktima sa ilang lugar, apil na ang pagpayuhot sa ginadiling druga gumikan dunay kanhi kaso ang biktima tungod sa iyang pagpamaligya og shabu. (Edgardo Fuerzas)
