Negusiyante sa Cotabato gibugha

Wednesday, September 8, 2010

USA ka negusiyante ang gipusil patay sa alas 7:40 sa buntag niadtong Martes didto sa siyudad sa Cotabato.

Ang kapulisan nag-ila sa biktima nga mao si Hadji Salman Utto, 49, minyo ug molupyo sa Sultan Sabarongis, Maguindanao Province.

Have something to report? Tell us in text, photos or videos.

Post your reaction to the Manila hostage crisis

Sigun sa taho gikan sa Cotabato City Police Office, gisulod sa grupo ni Jun Guiani ang internet cafe sa biktima nga nahimutang sa Governor Gutierrez Avenue, unya gikompronta ni Guiani ang negusiyante ngano nga dugay siyang mibayad sa renta sa bay nga iyang gi-arkilahan.

Human nakabinayloay og mga mahait nga pulong, wala na makaagwanta ang suspek mikalit lang sa pag-ibot sa iyang dalang kalibre .45 nga pistola ug gipusil si Utto.

Dali sab nga misibat ang grupo ni Guiani sa diha nga ilang nakit-an nga naligo na sa iyang dugo ang biktima.

Gisapupo si Utto sa iyang pamilya ug gidala sa Cotabato Regional and Medical Center apan gideklara siya sa nag-atiman nga mga doktor nga patay nang nahiabot gumikan sa grabeng samad pinusilan sa walang bahin sa iyang dughan.

Mismong si Cotabato City Mayor Japal Guiani ang nagmando ngadto sa kapulisan nga sikupon dayon ang iyang paryente nga maoy suspek nga mipatay kang Utto. (Edgardo Fuerzas)