NPA gilutos sa militar
Saturday, August 28, 2010
More Sections
GILUTOS karon sa militar ang mga rebeldeng New People's Army (NPA) human sa nahitabong engkwentro sa alas 3:30 sa kaadlawon niadtong Biyernes didto sa Barangay Simulao, Boston, Davao Oriental.
Kini ang pamahayag nga gipadangat ni Lt. Col. Gilbert Saret, commander sa 25th Infantry Batallion sa Superbalita.
Have something to report? Tell us in text, photos or videos.
Post your reaction to the Manila hostage crisis
Si Saret nagbutyag nga atol sa 15 minutos nga pinusilay, nailog sa ilang tropa ang kampo sa mga rebelde didto sa Barangay Simulao.
Matud ni Saret nga sud sa maong kampo nahipus sa militar ang usa ka Garand Rifle, usa ka 9mm pistol, upat ka improvised explosive devices, usa ka ICOM Handheld Radio, ug daghang subersibong dokumento.
Sa maong engkwentro, nakabaton og diyutay nga samad ang tulo ka mga sundalo samtang daghan sab ang nasamdan sa mga rebelde tungod sa daghang dugo nga nakita sa dapit diin miagi ang mga NPA.
Sa laing bahin, ang militar nagbutyag nga walay kamatuoran nga giarmasan sa militar ang mga lumad sa distrito sa Paquibato, sigun ni 10th Infantry Division spokesperson Lt. Col. Medel Aguilar, spokesperson sa 10th Infantry Division.
"There is no indiscriminate and illegal arming of Iindigenous People's (IP) members. They volunteered to join the CAFGU to protect their ancestral lands from any threat group, the NPA included," pahayag ni Aguilar.
Ang pamahayag ni Aguilar miguwa human gikondena sa mga militanteng pundok ang militar nga maoy nagpasiugda sa pag-armas sa mga Lumad.
Mga militanteng pundok nagsulti nga ang nagpasiugda sa pag-armas mga Lumad mao si 1003rd Infantry Brigade commander Brig. Gen. Eduardo del Rosario base sa dokumento nga ilang gipresenta atol sa gihimong press conference dinhi sa siyudad sa Davao.
Sisulti sa mga militante nga dili makaayo ang pag-armas sa mga Lumad sanglit mamiligro ang ilang kinabuhi sa bukid.
Ang militar nangatarungan nga boluntaryong misulod ang mga Lumad sa CAFGU aron mapanalipdan nila ang ilang kaugalingon lakip na ang ilang "ancestral domain" batok sa mga buot mosakmit niini lakip na ang NPA. (AD)
