GIAKUSAHAN sa mga progresibong grupo si 1003rd Infantry Brigade commanding officer Eduardo Del Rosario nga usa ka bakakon atol sa ilang gihimong press briefing niadtong Lunes.

Ang press briefing gitambongan mga respresentante Bayan Muna, Gabriela, Anakpawis ug Kabataan Partylist kinsa nagpadayag sa ilang pagsaway sa maong opisyal kinsa miakusa kanila nga sila mga kurakot ug kaalyado sa mga Communist Party of the Philippines (CPP) ug New People's Army (NPA).

Mga progresibong grupo mibatikos sa maong opisyal pinaagi sa pagdala og plakard nga dunay suwat pamahayag nga "Bakakon si Col. Del Rosario."

Sila managsama og mga giluwatang pahayag nga ang mga representante sa progresibong partylists dili mga kurakot sukwahi sa pahayag ni Del Rosario.

Si Del Rosario, sa gihimong press briefing niini didto sa Task Force Davao, namahayag nga ang mga representante sa maong mga partylist kurakot ug gigamit nila ang pundo sa ilang Philippine Development Assistance Fund (PDAF) sa pagpamalit og armas alang sa mga NPA.

"Since 2005, after we have led one of the impeachment complaints against Mrs. Arroyo, we have not been getting the said PDAF," matud ni Arnado kinsa midugang nga dili sila mga kurakot.

Sila nagpahigayon og press briefing aron ipasabot ngadto sa publiko nga walay kamatuoran ang pasangil ni Del Rosario kins unang mipakita og video footage ni National Democratic Front (NDF) Jose Maria Sison nga nakanayon nga ang progresibong partylist kaabin sa mga NPA.

Sa pakighinabi kang Del Rosario, siya nagbutyag nga ang gihimo sa mga progresibong pundok usa lamang ka pagsamok-samok sa militar sa pagpahigayon og hot pursuit operation batok sa mga rebelde nga midagit kang Corporal Dominador Alegre didto sa Barangay Cosoon, Monkayo, Compostela Valley Province.

"We really noticed that lahat ng sinasabi nila ay against the government. Within 39 years nga gumagawa ng numerous atrocities ang mga NPA ay wala silang sinasabi. If they are going to denounce the NPA, there is no need to talk about it and I simply salute them and stop my advocacy of telling the people the thruth about them," matud ni Del Rosario dihang gipangutana bahin sa tinguha nga makighusay ang mga militante sa militar. (AD)