Pang-international na si Christian!

NAKAULI na sa nasud ang pop idol nga si Christian Bautista gikan sa Indonesia kung diin iyang gi-promotar ang latest single nga "Tetaplah Dihatiku," nga Bahasa version sa "Please Be Careful With My Heart," nga gikan sa album niyang "Romance Revisited: The Love Songs of Jose Mari Chan."

Kauban ni Christian sa pag-rekord sa maong kanta ang sikat nga Indonesian singer nga si Bunga Citra Lestari.

Samtang tua sa Indonesia, wa'y puas ang TV guesting ni Christian sa nagkadaiyang mga shows.

Gawas sa gihimo niyang TV guestings, busy sab si Christian sa daghang interviews alang sa mga magazines, newspapers ug radio sa tibuok semana nga pagbisita sa Indonesia.

Bisan asa moadto si Christian, grabe ang pagdawat kaniya sa mga tawo nga gikalipay og dako sa singer.

Gibutyag ni Christian nga mohimo siya og serye sa Indonesia ug karong katunga sa tuig, magpirmi ang iyang paggawas sa nasud ug siya ang modala sa bandera sa Pilipinas didto. Taray!