Pangayao gilimod sa militar

Saturday, August 28, 2010

ANG rebeldeng New People's Army (NPA) giingon nga migamit sa pulong "Pangayao" isip istratehiya aron magkagubot ang mga Bisaya ug Lumad sa distrito sa Paquibato, siyudad sa Davao.

Kini ang pamahayag ni 1003rd Infantry Brigade commander Eduardo del Rosario atol sa gihimong press conference didto sa Task Force Davao niadtong Huwebes.

Have something to report? Tell us in text, photos or videos.

Post your reaction to the Manila hostage crisis

Si del Rosario nagkanayon nga gigamit lamang kini nga pamaagi sa mga rebelde aron mabahin ang mga Bisaya ug Lumad sa maong distrito busa iyang giklaro nga way nahitabong Pangayao.

"I would like to speak once and for all na walang pangayao sa Paquibato District. Ang sinasabi ni Parago at Simon Santiago ay kathang isip lang nila," ni del Rosario isip pagpaklaro sa nabalita nga mibakwet na ang katawhan sa Barangay Colosas, distrito sa Paquibato.

Si del Rosario nagkanayon nga gigamit lamang kini nga paagi sa duha ka lider sa NPA aron paawayon ang mga Bisaya ug mga Lumad.

"Ang kanilang reason bakit gusto nilang takutin ang mga tao sa pangayao is basically to terrorize the Visayan community and protray the Lumad na gustong maghasik ng hindi maganda sa Visayan community. Parang divide and rule. Ang gusto ni Parago na magpatayan ang kapwa Lumad," pangatarungan ni del Rosario.

Si del Rosario nagbutyag nga way kamatuoran ang nabalita nga mibakwet na ang mga katawhan sa Sitio Maragaa, Barangay Colosas sukwahi sa nabalita sa mga mantalaan.

"Sinabi niya (Parago) na ang mga tao sa Sitio Maragaa ay nag-evacuate na. And even Mayor Sara Duterte sinabihan ang barangay captain na if ever there would be a massive evacuation, the city government would help the evacuees. Walang katotohan yon," pung ni del Rosario.

Ang maong heneral nagkanayon nga duna pay laing istratehiya ang NPA pinaagi sa pagsulti nga ang nakapatay kang Datu Dangcay mao ang usa ka Lumad.

"Nag-issue naman sila (Parago and Santiago) ng statement na ang nakapatay kay Datu Dancay ay isang Lumad na kasama sa inambus which is impossible. Bakit sinabi ni Parago na ang nakapatay ay si Cafgu Libayao? Kasi ang mga taga Bukidnon gustong mag-pangayao. Yun talaga ang intension nila. At sinasabi ni Parago na kung magpangayao kayo, dun kayo mangayao sa Butay (Barangay Tapak) dahil Lumad ang nakapatay kay Datu Dangcay. And that is a lie," pahayag ni del Rosario.

Si del Rosario nagkanayon nga way motuo sa pasangil ni Parago sanglit way armas ang gitumbok niini nga Cafgu kinsa kauban sa convoy ni Datu Ruben Labawan dihang gibanhigan sa mga rebelde niadtong Agosto 6, 2010.

"Sino ang maniniwala ang inambush apat na motorcycle at yung Cafgu ay wala namang armas. So, this is impossible. Ang gusto lang ni Parago na ang mga Lumad ay magpatayan kasi itong mga Lumad communities natin ay supportive sa government. Yung mga Visayan community na percieve to be influenced by the NPA, yun ang sinasabi nilang target ng pangayao ng mga Lumad. So, itong Lumad community ay gusto nilang ma-destroy," pasabot ni del Rosario.

Si Labawan, pangulo sa Tribal Council for Security ug miyembro sa Supreme Tribal Council for Peace and Development (STCPD), nasamdan sa iyang wala nga kamot ug nakalingkawas sab ang iyang asawa atol sa pagpamanhig.

Human sa maong hitabo, nasayran nga mibati og kahadlok ang mga molupyo sa Barangay Colosas tungod sa hulga nga posibleng mahitabo ang "tribal war" nga gipasiugdahan sa pipila ka miyembro sa lumad nga gisuportahan sa militar.

Giingon nga wala na misulod sa ilang klase ang mga kabataan tungod sa kahadlok sa pangayao. (AD)