HUMAN ang pila ka buwan nga pagpakahilom, ni-open na ang super sikat nga R&B singer nga si Rihanna bahin sa pagpangulata kaniya sa ex-boyfriend nga si Chris Brown.

Si Rihanna, gi-interview ni Diane Sawyer sa ABC, "Good Morning America." Pahayag ni Rihanna, gipaak siya ni Chris, gi-headlock ug gibiyaan siyang nagkadugo ang nawong ug nagkahubag-hubag.

"It wasn't the same person that says 'I love you.' It was not those...eyes," sumala sa 21-anyos nga singer.

"He had...no soul in his eyes. Just blank...He was clearly blacked out. There was no person when I looked at him," pahayag niya.

Ang singer nga si Chris, 20 anyos, gi-sentensiyahan og five years nga probation ug 180 hours nga community service tungod sa gihimo niya kang Rihanna.

Nahitabo ang iyang pagpangulata sa girlfriend sa nakalabay nga buwan sa Pebrero dungan sa Grammy Awards.

Mihatag na sab og public apology si Chris. Gani, gitaho pa nga nagkabalik silang duha apan karon, si Rihanna nagsulti nga wa na siya'y plano nga mobalik pag-usab kang Chris.

Gitug-an ni Rihanna nga ang pagpangatake kaniya ni Chris, nagsugod lamang sa text messages nga nadawat sa lalaking singer samtang nag-drive pauli gikan sa usa ka party.

"I couldn't take it that he kept lying to me. And he couldn't take it that I wouldn't drop it. And...it was ugly," dugang ni Rihanna.

Giangkon sab ni Rihanna nga sa maong pagpangatake kaniya ni Chris, naglisod siya sa pagginhawa ug gisumbag pa siya sa ex-BF sa mata sa makadaghang higayon.

"I fended him off with my feet...but it was not like, it was not like a fight with each other. I just...I really just wanted it to stop," niya.

Naka-siyagit si Rihanna mao nga nakatawag og police ang mga tawo sa ilang palibot. "I was bleeding, I was swollen in the face. So there was no way of me getting home, except for, my next option was to get out of the car and walk. Start walking in a gown, in a bloody face. So I really don't know what my plan was."

Aminado si Rihanna nga kung na-ayo man tuod ang iyang mga samad tungod sa pagpangulata, dili ang samad sud sa iyang kasing-kasing.

"The thing that men don't realize when they hit a woman, it's...the face, the broken arm, the black eye, it's going to heal. That's not the problem. It's the scar inside.

"You flashback...you...you remember all the time. It comes back to you whether you like it or not. And it's painful. So I don't think he understood that," dugang niya.