Ruffa, wagi batok Yilmaz; Richard gitaktak ang kaso!

Thursday, March 18, 2010

MALIPAYON si Ruffa Gutierrez human nga gidapigan sa korte ang petisyon niya alang sa sole custody sa duha niya ka mga anak sa ex-husband nga si Yilmaz Bektas nga sila Lorin ug Venice.

Ang Quezon City Regional Trial Court Branch 107, mipaguwa og resolusyon last March 11 nga midapig sa "sole custody" ni Ruffa alang sa mga anak.

Have something to report? Tell us in text, photos or videos.

Ang ex-hubby ni Ruffa nga si Yilmaz, usa ka Turkish national, gihatagan lamang og visitation rights.

Gipasang-at ni Ruffa ang maong petisyon, May 2009.

Karong March 25, gitakdang moabot sa nasud si Yilmaz aron bisitahon ang iyang mga anak.

Okay na karon ang relationship nila ni Ruffa ug Yilmaz.

Sa pikas bahin, wagi sab ang laing Gutierrez!

Gitaktak sa Department of Justice (DOJ) ang kasong Reckless Imprudence Resulting to Homicide ni Richard Gutierrez nga gipasang-at ni Lorayne Pardo.

Si Lorayne, mao ang biyuda ni Nomar Pardo, ang personal assistant ni Richard nga namatay sa vehicular accident nga nahitabo niadtong May 22, 2009 sa Sta. Rosa, Laguna.

Ang lima ka pahinang resolusyon sa DOJ, gipagawas niadtong March 10, 2010 nga gilagdaan ni Secretary Agnes VST Devanadera.

Kahinumduman nga unang nag-desisyon ang Cavite Provincial Prosecutor's Office last September 18, 2009 ug nagsulti nga may "probable cause" aron pasakahan si Richard ig kaso.

Ang DOJ nagkanayon nga daghang kakuwangon sa bahin ni Lorayne aron suportahan ang iyang kaso batok kang Richard. Ang mga kondisyon dihang nahitabo ang insidente, gibase lang matud pa sa mga istorya-istorya ug wa gayu'y unsa pa mang ebidensiya.

"WHEREFORE, the petition for review of complainant Lorayne Torres Pardo is hereby DISMISSED, while the petition for review of respondent Richard Rama Gutierrez is hereby GRANTED. The complaint against respondent for reckless imprudence resulting in homicide is DISMISSED," sigun sa desisyon.