OPISYAL na gayud nga mamahimong usa ka 'dabarkads' si Ryan Agoncillo.
Si Ryan, nagsugod nga mahimong co-host sa Eat Bulaga sa nakalabay nga Sabado.

Dugay na nga nadungog nga mamahimong part sa Eat Bulaga si Ryan apan karon lamang gayud kini nahinayon.

Nalipay daw si Ryan nga nahimong part sa Eat Bulaga! tungod kay mao daw kini ang kanunay nga ginatan-aw sa iyang pamilya.

Bisan ang misis ni Ryan nga si Judy Ann Santos, happy sa iyang bana tungod kay at last, everyday na nga makita sa katawhan ang iyang bana.

Nananghid sab hinuon og tarong si Ryan sa iyang mga Kapamilya sa ABS-CBN sa iyang pagsilbing host sa EB nga dali sab nga gihatagan og kahigayunan sa Dos.

Okay lang daw ang gihimo ni Ryan tungod kay di sab kini mo-conflict sa iyang regular show sa ABS-CBN nga kauban si Juday, ang 'George and Cecil' nga every Sunday lang makita.

Lunes hangtud Biyernes, siguradong makita si Ryan sa Eat Bulaga apan Sabado, di daw maka-entra ang aktor-host tungod kay taping kini niya sa 'George and Cecil.'

Si Ryan ang giingong mopuli sa mipanaw nga si Francis M.

May mga chika sab karon nga gusto na gayud daw ni Ryan nga mobalik sa hosting apan ang nakapait, wa kini gihatag sa ABS-CBN kaniya.

Kahinumduman nga uwahing hosting job ni Ryan sa ABS-CBN mao ang Pinoy Fear Factor Argentina, South America ug sukad niadto, wala na sab siya mahatagan og sama niining trabaho.

Si Ryan, host sab sa 'Talentadong Pinoy' sa TV5 nga taas sab kaayo og ratings sa kasamtangan.

Sey pa nga buot gyud unta ni Ryan nga sa ABS-CBn gihapon siya mohimo sa maong trabaho apan tungod kay wa'y gihatag kaniyang work, didto na lamang siya sa GMA.