PRESENT na at last si Ryan Agoncillo sa presscon sa PLDT MyDSL bag-ohay pa lamang human kini makanselar niadtong milabay nga semana tungod sa grabe niyang kalintura.

Giklaro ni Ryan nga wala siya'y swine flu kon A (H1N1).

"Wala po akong swine flu. Wala akong A (H1N1). Throat infection lang po," matud ni Ryan.

According kang Ryan, sa ilang balay lang siya nagpa-ayo. Si Juday ang miatiman kaniya.

"Wala naman siyang choice kundi ang alagaan ako! Ha! Ha! Ha! Ha!" matud ni Ryan.

Naka-taping na sab daw si Ryan alang sa "George and Cecil" sa ABS-CBN diin kauban niya ang asawang si Juday.

According kang Ryan nga nibalhin na sila ni Juday og balay ug ang kitchen gayud ang labing gigastuhan. Mao daw kini ang gusto ni Juday nga iya gayud nga gipatumanan.

Di na buot ni Ryan nga pugaon pa si Juday sa iyang pagbuntis tungod kay basin daw madugay na hinuon ang ilang gihuwat nga baby - sunod sa ilang adopted daughter nga si Yohan.

Sa pagkakaron, giangkon gayud ni Ryan nga grabe ang pressure nga gibati nila ni Juday tungod kay daghan kaayo ang gahuwat kung kanus-a sila magka-baby.

Pahayag ni Ryan nga kung siya ang pabut-on, within this year, mabuntis na si Juday sanglit di na sab batan-on ang iyang misis.