Sam nakuyapan sa CR sa Tokyo
Saturday, March 20, 2010
More Sections
GIBUTYAG sa PEP blogger (G Spot) nga si Giselle Sanchez nga nakuyapan sud sa usa ka public toilet ang aktor-singer nga si Sam Milby sa Tokyo, Japan.
Sumala ni Giselle nga may concert sila sa Tokyo kauban ang mga artista nga sama nila ni Zanjoe Marudo, Bugoy Drilon, Laarni Lozada ug uban pa ug human sa show, nahitabo nga nakuyapan si Sam.
Have something to report? Tell us in text, photos or videos.
Sey pa nga nanihapon si Sam ug ang iyang grupo sa usa ka restaurant dihang kalit nga mi-exit ang aktor aron mogamit sa bathroom.
Apan dugay kining nibalik ug nagtuo daw sila nga niuli na kini tungod sa kakapoy.
Nisuway sila og adto sa laing bar apan wala sila mahimutang mao nga ilang gibalikan si Sam. Ug didto gayud nila nakumpirma nga naa pa kini sa bathroom, nakuyapan ug naghigda sa salog.
Giklaro ni Giselle nga wala gayud miinom si Sam niadtong gabhiona bisan og red wine.
"Averaging eight hours of sleep in three days, rehearsing and performing a total of twenty songs in a performance level, kissed and mobbed by literally a thousand women, Sam's body could not take the stress toll and gave up. And it just had to be in a public bathroom without anybody knowing it..." ni Giselle.
