SIKAT na gyud si Sandara Park sa Korea.

Ang giilang Pambansang Krung-Krung ng Pilipinas, anaa na mihataw sa Korea diin kabahin siya sa all-girl group nga 2NE1 (To Anyone or 21).

Laing kauban ni Sandara sa grupo mao si CL, 18 years old ug lider sa grupo, si Park Boom Lee, 25, ug Minzy nga 15 anyos pa lamang.

Si Sandara, sa usa ka interview sa Korea nagbutyag nga dako gayung sakripisyo ang iyang gihimo sa pagbiya sa career sa Pilipinas aron manimpalad didto sa Korea.

"I was promoting as an entertainer in the Philippines, but I took the bold step and went on as YG trainee. But I have no regrets about not being able to continue my entertainer career in the Philippines," matud niya.

Aminado si Sandara nga sugal gayud ang iyang gihimo sa pagbiya sa showbiz sa Pinas diin sab siya nailhan sukad nga niapil sa Star Circle Quest.
"Of course, training as a YG trainee, I have no guarantee for debut. I have no guarantee for success, but because I have dreams to be a Korean entertainer, I worked hard on it."

Si Sandara, nahatagan og atensiyon human siya gi-introduce sa KBS (ang broadcast channel diin nakita ang "Boys Over Flowers") sa usa sa mga programa niini.

Kahinumduman nga niadtong niuli ang pure Korean nga si Sandara sa Korea, gihatagan siya og basic test gikan sa YG Entertainment ug nahimong trainee paglabay sa usa ka buwan.

Tulo ka tuig sab nga niantos isip trainee si Sandara una siya gihatagan og break sa 2NE1.

Anyway, nahimo sab nga isyu sa Korea ang kas-ang pag-pose ni Sandara sa men's magazine nganhi sa Pilipinas. Yes! Ing-ana na siya kasikat diin lakip sa giutingkay ang iyang past!

Lakip sab sa nahimong isyu kang Sandara ang mga pictures sa kanhing ka-loveteam nga si Hero Angeles nga na-tsika didto nga iyang uyab.