Sekyu nakapusil sa kargador gikiha
Monday, March 15, 2010
More Sections
GIPASAKA na sa kapulisan ang kasong murder batok sa usa ka guwardiya kinsa nakapusil patay sa usa ka kargador sulod sa container yard nga gipanagiyahan sa Sulpicio Lines sa alas 8:00 sa gabii didto sa Sasa Wharf, Barangay Sasa, siyudad sa Davao.
Gidemanda sa mga otoridad mao si Renante Palacio, 30, minyo, sakop sa Superior Security Agency ug nadestino sa Sulpicio Lines.
Have something to report? Tell us in text, photos or videos.
Ang kaso nakadoket sa IS # INQ-10-C-00239 didto sa City Prosecution Office (CPO) tungod sa pagpusil kang Gaudioso Alibangbang, 30, minyo, kargador sa Davao Integrated Port and Stevedoring Services Corporation (Dipsscor) ug nagpuyo sa Parola, Barangay Sasa.
Si Alibangbang napusilan sa gwardiya human giingon nga nanguha og scrap iron sulod sa container yard nga gipanag-iyahan sa Sulpicio Lines, sigun sa imbestigasyon ni SPO2 Henry Balbiran, imbestigador sa Sasa Police Station.
Si Alibangbang naigo sa iyang ilok nga miresulta sa iyang kamatayon.
Human sa maong hitabo, boluntaryong mitahan sa iyang kaugalingon si Palacio uban sa iyang service firearms ga .38 caliber revolver nga dunay serial number 1069926.
Ang sinumbong nagpaabot nalang sa sunod nga mando sa korte kung kanus-a taralon ang iyang kaso. (AD)
