HUMAN ang duha ka tuig nga kadaugan sa unang kaso, ang singer-actress nga si Jennifer Lopez subling mikiha sa unang bana niini nga si Ojani Noa.

Kini human masayran sa singer nga planong ibaligya sa iyang ex-husband ang video sa ilang sex life aron himuon kining usa ka tell-all movie.

Sa iyang kaso, si Jennifer nagkanayon nga kasamtangang naglibot-libot ang iyang bana sa mga film industry players aron nga ibaligya ang iyang video kaniadto nga naa sa "sexual situations."

Lakip daw sa maong mga videos mao ang ilang eksena sa usa ka hotel room dihang nag-honeymoon sila, tuig 1997.

Si Jennifer naminyo sa ikaduhang bana, si singer nga si Marc Anthony, niadtong 2004 diin sila may duha ka mga anak.

Si Marc Anthony mao sab ang ex-husband ni Dayanara Torres.

$10 million ang gipangayong damages ni J.Lo batok sa kanhing bana uban sa pagpangayo sa usa ka court order aron malikayan ang pagkatag sa mga videos.

Si Noa nga usa ka chef ug model, wala pa mitubag sa maong kaso ni J.Lo batok kaniya.

Napildi na sab kini sa kaso nga unang gisang-at ni J.Lo pila ka tuig na ang milabay dihang misuway sab kini sa paghimo og movie bahin sa ilang love story nga milungtad lamang og halos 11 months.