Suspek sa pagdunggab dakpan

Friday, March 19, 2010

USA ka lalaking suspek sa pagpanunggab ang nasignit kapulisan didto siyudad sa Tagum.

Ang dinakpan naila nga mao si Reynaldo Gabon alyas "Rene," 45, ug molupyo sa Pioneer Avenue, dakbayan sa Tagum.

Have something to report? Tell us in text, photos or videos.

Sa report gikan sa Tagum City Police Station nasayran nga pasado alas 4:10 sa buntag niadtong Biyernes, nasikop sa mga sakop sa kapulisan ang suspek sa kasagbutang bahin likod sa Tabing Ilog Videokehouse didto sa may sentro nga bahin sa siyudad sa Tagum.

Ang suspek maoy gitudlong suspek sa pagdunggab sa biktimang si Antonio Boyore, ug molupyo sa Bermudez Plain Subdivison, Barangay Apokon.

Sa inisyal nga imbestigasyon sa kapulisan nasayran nga nagdrive matud pa sa iyang motor ang biktima dihang kalit siya nga gitaparan sa suspek, sa way paglangan gidunggab gamit ang usa ka kutsilyo.

Nahiagum og samad dinunggaban sa kalawasan ang biktima ug daling gidala sa ospital.

Ang suspek malampuson sab nga nadakpan sa mga otoridad.

Gitanggong na karon sulod sa selda ang suspek samtang gihikay na ang kasong ipahamtang batok niya. (Marvin Pineda)