Trak sa mayor gisunog sa NPA
Sunday, March 21, 2010
More Sections
USA ka trak nga gipanag-iyahan sa usa ka mayor ang gisunog sa wa mailhing mga armado nga gituohang mga sakop sa rebeldeng New People's Army, didto sa lungsod sa Maragusan, Compostela Valley province.
Sa report gikan sa Comval Province Police Provincial Office nasayran nga pasado alas 2:00 sa hapon niadtong Biyernes, gidabdaban sa mga armado ang usa ka Saddam truck nga dunay plate number IFD-967 ug narehistro sa ngalan ni Mayor Cesar Colina sa lungsod sa Maragusan.
Have something to report? Tell us in text, photos or videos.
Nagdagan ang trak nga kargado og mga softdrinks ug gidrayban sa usa ka Gleen Garciano gikan sa Barangay Mahayahay padulong sa Barangay Parasanon niadtong higayona.
Pag-abot niini sa may crossing Barangay Sanga ug Barangay Parasanon, kalit nga mibabag ang tulo ka mga lalaking armado og pistola, gitionan ang driver.
Gimandoan sa mga armado ang drayber nga mokanaug, dayon gisilaban sa mga armado ang maong trak.
Mga suspek abtik sab nga misibat human sa hitabo.
Gibana-banaang miabot sa kapin P200 mil ang nahimong danyos sa nahisgutang pagpanunog. (Marvin Pineda)
