USA ka lalaki kritikal ang kahimtang karon sulod sa ospital human gipusil sa wa mailhing mga suspetsado didto sa Purok 4, Barangay Mamacao, lungsod sa Kapalong, Davao del Norte.

Ang biktima giila nga si Wilfredo Diangalon, hamtung ang panuigon ug molupyo sa susamang dapit.

Sa report gikan sa Davao del Norte Police Provincial Office nasayran nga pasado alas 11:00 sa gabii niadtong Sabado, nagkalalis ang biktima ug ang iyang silingan nga si Tito Villarobe, 58, sa wa masayring rason.

Sa nagka-init nila nga panagsumpaki, dayon mihulbot sa iyang kalibre .22 nga pistola si Villarobe ug gipusil ang biktima.

Nahiagum og mga samad pinusilan sa kalawasan ang biktima hinungdan nga dali siyang gidala sa ospital.

Samtang ang suspek ang wa na sab nakaikyas ug nasikop sa mga otoridad.

Gitanggong karon sulod sa selda ang suspek samtang ang kaso gihikay na sa kapulisan.

Kapulisan sa lungsod sa Kapalong ang mihimo na og dugang imbestigasyon sa hitabo. (Marvin Pineda)