Ulitawo gipatay

Monday, March 15, 2010

PATAY ang usa ka 25 anyos nga ulitawo human gipusil didto sa siyudad sa Cotabato.

Ang kapulisan nag-ila sa biktima nga mao si Ali Mulod, nagpuyo sa barangay Crossing Salvo, Datu Saudi Ampatuan, Maguindanao Province.

Have something to report? Tell us in text, photos or videos.

Sa report sa gikan Cotabato City Police Office, alas 7:00 sa gabii, Marso 14, nahitabo ang krimen.

Ang biktima gikan sa pagpamisita sa iyang hinigugma didto sa purok Bualan, barangay Poblacion 2.

Pagawas na unta kini sa panimalay sa dalaga dihang gisugat sa duha ka suspek, gipusil gamit ang .45 nga pistola.

Nakabsan sa iyang kinabuhi si Mulod human maigo sa likod ug ulo.

Mga suspek tulin nga misibat sakay sa usa ka bangkang de motor subay sa Rio Grande De Mindanao.

Dali nga gilutos sa mga mirespondeng pulis nga gipangulohan ni Cotabato City Police Director Senior Superintendent Willie Dangane ang mga suspek apan pakyas sila gumikan kalit lamang kini nahanaw.

Nailhan sab sa ig-agaw sa biktima ang usa sa suspek nga si Bansil Akmad, usa ka Cafgu nga nadestino sa Maguindanao.

Gipahayag ni Dangane nga panimalos ang motibo sa pagtipi sa biktima.

Sigun sa opisyal ang biktima na-priso kaniadto tungod sa kasong pagpatay sa paryente sa suspek.

May mga lugar ng gitutukan ang kapulisan nga posibleng gitaguan ni Akmad, gitumbok nga Special Cafgu sa mga Ampatuan. (Edgardo Fuerzas)