Valerie giinsulto ni Willie Revillame?

Wednesday, March 17, 2010

HOW true ang chismis nga isip usa ka inahan, nakahilak si Tita Mayet, inahan ni Valerie Concepcion human niya mahibaw-i ang istoryang giinsulto ni Willie Revillame ang iyang anak sa usa ka episode sa Wowowee.

Last week daw nahitabo ang insidente nga gikasakit sa dughan sa inahan ni Valerie.

Have something to report? Tell us in text, photos or videos.

Kauban daw ni Valerie si RR Enriquez sa giingong gipakauwawan ni Willie samtang gi-air ang show. Giokray daw ni Willie sila si Valerie ug RR.

Impromptu daw nga gihatagan og situation ni Willie ang co-hosts nga sila Pokwang, Mariel Rodriguez, Valerie ug RR. Na-carry daw nila ni Pokwang ug Mariel ang situation nga gikalingaw ni Willie. Apan wala daw ganahi si Willie sa gihimo nila ni RR ug Valerie.

Ug tungod kay niini, nag-dayalog daw si Willie og, "Kasi ikaw Valerie, kain ka nang kain, puro pagkain ang inaatupag mo sa dressing room. Ang dami mo pang magdala ng sapatos."

Hasta daw si RR, wa makalusot kang Willie.

Wala na lang daw nitingog si Valerie ug RR sa giingong pagpakaulaw kanila ni Willie.

Sey pa nga wala nakita sa inahan ni Valerie ang maong episode apan daghan daw ang nag-text kaniya. Nakahilak daw ang mother ni Valerie tungod niini. Alang niya, dili daw deserving ang iyang anak nga makabati og ingon niadto gikan kang Willie since naningkamot kini nga mapanindot ang pag-host sa show.

Kung ang inahan ni Valerie, nasakitan, ang actress-host, wala lamang nanumbaling sa maong linya ni Willie.

According kang Valerie, naanad na gayud siya sa ingon niining mga pahayag ni Willie nga nagtinguha lang gyud nga mapanindot ang show.

Alang niya, trabaho lamang ang ilang gihimo ug palangga silang tanan ni Willie off-cam.