Superbalita Davao | Isports - Sun.Star Network Online

Dabaw judokas, karatekas makigtigi karon sa PNG

daryl_anunciado — Fri, 25 May 2012 11:53:29 +0000

MAKIGTIGI karong adlawa, Mayo 26, ang pambato sa Dabaw nga judokas, karatekas ug table tennis sa Philippine National Games didto sa siyudad Dumaguete.

Ang Holiday Judo Club, ubos ni chief instructor Paolo Tancontian magpadala og tulo ka magduduwa lakip ang iyang anak nga si Sydney.

Maka-uban ni Sydney, kinsang 2011 Batang Pinoy Games 2011 gold medalist ang iyang igsuong lalaki nga si Erikson ug Nicolo Peñera.

Sumala ni Tancontian andam na ang tulo sa kompetisyon human nagbansay ug nakigtigi sab sa 4th International School Manila Invitational Judo Tournament.

Coca-Cola PBA national: Holy Child Reds molupad ugma alang sa finals

armiesheila — Thu, 24 May 2012 10:38:51 +0000

MOLUPAD ugmang adlawa, Sabado alas 10 sa buntag ang pambato sa Dabaw ug Mindanao ang Holy Child School of Davao (HCSD) Reds aron makigtigi sa PBA Coca-Cola youngstar national finals didtosa kaulohan.

Kini ang pahayag ni Assistant Coach Roger Rabago atol sa pakighinabi kaniya kagahapong adlawa.

Sa maong torneyo, unom ka tim ang magkontra mao ang Cebu, Pampanga, Taytay, Caloocan, Laguna ug Davao sa single round robin format nga dulaon sa Ynares Sports Arena.

Nerza, Avergonzago nanguna sa Bankers Fun Run

armiesheila — Wed, 23 May 2012 13:03:47 +0000

NANGUNA sila Anthony Nerza ug Emily Avergonzago sa 1st Bankers Fun Run niadtong milabay nga Dominggo didto sa People's Park ning siyudad.

Nahuman ni Nerza ang 10k sulod 28 minutos ug 9 segundos samtang si Emily Avergonzago mitala og 37 minutos ug 49 segundos alang sa babaye.

Misunod kang Nerza sila James Castillo (27 minutos) ug Mario Ecalner (29:43).

Sa babaye, ikaduha si Ma. Stella Diaz (39:40) dayon misunod si Tiny Buenaventura (44:03).

Sa 5K, si Michael Jan Constantino ang mihari nga mioras og 15:25 nga misunod si Elmer Bartolo (16:06) ug ikatulo si Jaime Valleneia (16:54).

Sigun sa amahan: Floyd Jr. ang ‘Man to beat’

daryl_anunciado — Tue, 22 May 2012 11:38:27 +0000

DI SUMALA pa deserving ang Filipino ring icon Manny “Pacman” Pacquiao nga modawat og dakong bahin sa kitaon sa pay-per-view revenue kun mahinayon man ang binakbakay niya tali Floyd Mayweather Jr., tungod di kuno siya 'big star' sukwahi sa American fighter.

Kini ang pahayag sa amahan ni Mayweather nga si boxing trainer Floyd Mayweather Sr.

Suma ni Floyd Sr., ang anak niya ang “the man to beat” sa boxing tungod sa way pidili niyang record, diin alang niya mao kini ang adbentahe sa ilang kampo.

Cagayan nitidlom sa HCSD

laureenjean — Mon, 21 May 2012 12:03:50 +0000

ABANTE sa national finals ang Holy Child School of Davao (HCSD) Reds sa Coca-Cola Philippine Basketball Association (PBA) Youngstars Mindanao Finals kagahapong adlawa didto sa Corpus Christi School Gym sa Cagayan de Oro City.

Human natidlom sa HCSD ang kampeyon sa Cagayan de Oro City sa iskor 95-90.

Joysan gipalukapa sa Edsan's

jhayar_book — Sun, 20 May 2012 11:21:58 +0000

NAHIMONG init ang pagkontra sa Joysan Predator ug Edsan's Farms atol sa nagapadayong Joysan Ball Club First Conference 2012 Basketball Tournament didto sa Monta¤a Recreation and Fitness Center kagahapong adlawa.

Nagginukdanay sila sa pag-iskor hangtud gipalukapa sa `Edsan's ang Joysan sa iskor 87-81.

Nanguna si Botoy Torregoza nga mihimo og 31 puntos dayon mitabang si Jay Castillon og 24 puntos aron masigurado ang kadaugan ug magpabilin sa ikaduhang pwesto sa team standings, 7-1.

Samtang si Gary Ates ang nangulo sa Joysan nga mihimo og 15 puntos.

Arum: Anti-gay remarks ni Pacman, no big deal

laureenjean — Fri, 18 May 2012 12:12:19 +0000

NO BIG deal alang kang Top Rank Promotions CEO Bob Arum ang gikalambigitan nga kontrobersiya ni WBO welterweight champion Manny Pacquiao.

Matud ni Arum, gipahayag lang ni Pacquiao ang iyang opinyon mahitungod sa same-sex marriage.

Pacquiao sud sa 2012 'most powerful celebrities'

daryl_anunciado — Thu, 17 May 2012 12:18:01 +0000

ISA si WBO welterweight champion ug 8-time world division champion Manny Pacquiao sa mga 2012 most powerful celebrities.

Sa gipagawas nga listahan sa Forbes Magazine, nasa ika-33 puwesto si Pacquiao isip pinakagahum tawo sa kalibutan samtang si Floyd Mayweather Jr., nasa 55th place.

Dise syete sa mga pinakasikat nga atleta ang sulod sa most powerful lists diin nasa 12th place si golf superstar Tiger Woods; number 15 si 3-time NBA MVP ug Miami Heat star Lebron James samtang si Kobe Bryant anaa sa 27 pwesto.

HCSD kampeyon sa Davao

daryl_anunciado — Wed, 16 May 2012 12:17:14 +0000

KAMPEYON ang Holy Child School of Davao (HCSD) Reds human gipildi ang Doña Carmen Denia National High School (DCDNHS), 96-84 aron makuha ang titulo sa Coca-Cola PBA Youngstars Davao Eliminations didto sa Genesis 88 Gym niadtong Lunes sa hapon.

Ang managsuon sa DCDNHS nga sila Ritz ug Charles Saludes, nakahimo og 18 puntos aron maputol ang labaw nga 6 puntos sa nahibilin nga 2 minutos.

Martial arts summer workshop gipasiugdahan sa Anflocor

daryl_anunciado — Tue, 15 May 2012 12:10:04 +0000

SUMMER. School break. Sagad sa kabataan mogahin sa ilang panahon sa pagduwa, uban motutok sa telebisyon, samtang ang uban maghuna-huna og maayong buhaton panahon sa bakasyon.

Sa Anflo Management and Investment Corporation (ANFLOCOR), mga anak sa empleyado mas malingaw sa ilang bakasyon pinaagi sa nagkadaiyang makalingaw nga aktibidad.

Roach nagkompirma hapit nga panagbuwag Pacquiao, Jinkee

daryl_anunciado — Mon, 14 May 2012 12:52:08 +0000

GIKOMPIRMA ni boxing coach Freddie Roach nga hapit maguba ang pamilya ni 8-division world champion Manny Pacquiao niadtong milabay nga tuig.

Matud ni Roach, sa mismong bisperas sa away sa iyang alaga kang Juan Manuel Marquez niadtong November 12, nakadawat siya og divorce papers gikan sa asawang si Jinkee.

Kini matud pa ang pinakabug-at nga hinungdan nganong wala sa ring ang focus ni Pacquiao.

"All the distractions caught up to Manny in his last fight," ni Roach.

Kahinumdoman, sa uwahing away ni Pacquiao, midaug gihapon ang Pinoy ring icon via unanimous decision.

Davraa tagak sa ika-10 puwesto

jhayar_book — Sun, 13 May 2012 09:38:36 +0000

MIDUGANG ang pambato sa boxers ug netters og tulo ka bulawan apan wa kini makapataas og ranggo sa 625 miyembro Davao Region Athletic Association (Davraa) delegation sa 2012 Palarong Pambansa niadtong Sabado didto sa Narciso Ramos Sports and Civic Center (NRSCC) sa Lingayen, Pangasinan.

Natagak ang Davraa sa ika-10 nga pwesto sa over-all nga dunay 96.50 puntos nga gikan sa ika-7 puwesto niadtong milabay nga tuig sa Dapitan.

Barit tagak sa bronze

laureenjean — Fri, 11 May 2012 12:02:44 +0000

ANG pambato sa Davraa nga si Mae Barit napakyas sa pagdepensa sa iyang titulo human natagak karon sa bronze medalya sa secondary girls 800-meter run sa 2012 Palarong Pambansa in Pangasinan.

Si Barit mioras og duha ka minutos ug 21.6 segundos sa Narciso Ramos Sports and Civic Center (NRSCC) sa Lingayen, Pangasinan.

Hydrite coaching seminar sa Mayo 17

daryl_anunciado — Thu, 10 May 2012 11:20:13 +0000

USA ka Hydrite Success Coaching Seminar ang ilusad alang sa mga coaches ug atleta nga gustong malambo pa ang ilang kahibalo sa matang isports.

Ang maong seminar himuon sa Mayo 17 didto sa Department of Education National Educator's Academy of the Philippines (Deped NEAP) Diamond Hall sa Quirino Avenue.

Sigun ni Evangelista Aquatics and Sports Management Inc. (Easmi) events specialist Rael Diaz nga kini abli alang sa sports instructors, physical education teachers, sports coordinators, barangay sports leaders ug Sangguniang Kabataan chairpersons.

Orlando gi-magic

victor — Wed, 09 May 2012 12:17:10 +0000

MITALA og 25 puntos si Danny Granger sa Indiana Pacers aron mangulo sa kadaugan sa tim ug gi-magic ang Orlando, 105-87, sa first-round Eastern Conference playoff showdown.

Kini ang pinaka-unang serye nga midaug ang Indiana sugod niadtong 2005.

Alang sa second round, ginalauman maka-atbang sa Pacers ang Miami Heat.

Gipasidunggan sab nga best performer sa Orlando si Jameer Nelson nga mihimo og 27 puntos.

Hawks nakabawi sa Game 5 vs Boston Celtics

Nahimo pa sa Atlanta Hawks nga pataason pa ang serye kontra Boston Celtics, 87-86.

Pinoy conditioning coach ni Pacman nabilin sa Pinas

victor — Wed, 09 May 2012 12:16:06 +0000

WA NAKAUBAN padulong Amerika ang usa sa conditioning coach ni WBO welterweight Manny Pacquiao nga si Marvin Somodio.

Kahinumdoman, si Somodio ang mihulip sa puwesto ni strengthening coach Alex Ariza.

Base sa taho, wa nahatagan sa US Embassy sa Manila og US Visa si Somodio tungod angay matud pa nga working visa ang gi-aplayan niya ug dili tourist visa.

Sigun ni Pacman, himuon niya ang tanan aron masulbad ang problema ni Somodio.

Resulta sa Cotto-Floyd Jr. fight, gikwestiyon

daryl_anunciado — Tue, 08 May 2012 10:33:50 +0000

HUMAN ang pakyas nga pagpukan sa bag-ong WBA super welterweight champion Floyd Mayweather Jr., balik Puerto Rico karon si kanhi world champion Miguel Cotto.

Pag-abot sa Puerto Rico, wa mihatag og reaksiyon si Cotto labot sa pagkapildi niya kang Mayweather.

Luyo niini, gibutyag sa legal adviser ni Cotto nga si Gabriel Peñagarícano, nga sa tan-aw nila ang kanhi 154 pound champion ang midaug sa bugno ibabaw sa ruyda.

Suma pa ni Peñagarícano, aminado siyang close fight ang laban, diin dili siya pabor sa hukom sa tulo ka hurado.

Pacman naglaum madayon away kontra Mayweather

dr_tangarorang — Mon, 07 May 2012 13:53:32 +0000

WA GIHAPON nawad-an og paglaum si WBO welterweight champion Manny Pacquiao nga madayon ang giatngan nga away ni bag-ong WBA super welterweight champion Floyd Mayweather Jr.

Mayweather nagpabilin way pildi

jhayar_book — Sun, 06 May 2012 14:02:00 +0000

BAG-O na sab nga kampeyon si undefeated American boxer Floyd Mayweather Jr.

Bisan naglisud si Mayweather apan nahimo gihapon niyang modaug ang mga uwahing rounds batok kang Puerto Rican star nga si Miguel Cotto aron mailog ang WBA junior middleweight title.

Pipila sab ka higayon na-corner ni Cotto si Mayweather, apan makabilib ang kondisyon sa American fighter.

Luyo sa pagsaka sa timbang ni Mayweather sa 154-pounds, wa nahimong problema kaniya ang pagka-"natural bigger fighter" ni Cotto.

Base sa scorecards, 117-111, 117-111, 118-110, midaug si Mayweather via unanimous decision.

Punch stats: Floyd nagbuhi og 687 nga kumo; Cotto, 506

jhayar_book — Sun, 06 May 2012 14:01:26 +0000

NAA sa tunga pa lang matud pa sa away, kahibalo na ang Team Mayweather nga pildi na ang Puerto Rican star nga si Miguel Cotto.

Matud sa uyoan ug trainer nga si Roger Mayweather, naa sa Round 6 pa lang dako na ang iyang pagsalig nga masungkit sa iyang pag-umangkon ang WBA junior middleweight title ni Cotto.

Bisan tinuod dako ang lawas ni Cotto apan bentaha si Floyd sa counterpunching ability niini.

Base sa punch stats, 687 nga mga kumo ang gibuhian ni Mayweather ug 179 ang miigo sa lawas ni Cotto samtang 105 sab sa kinatibuk-ang 506 punches ni Cotto ang nakakuha sa puntos.

Pusod, Orteza SBC bowler of the month sa Abril

daryl_anunciado — Tue, 01 May 2012 12:39:49 +0000

NANGUNA si Vic Pusod ug Emie Orteza sa ilang matag-dibisyon ug giilang Bowler of the month sa Abril sa Sunday Bowlers Club (SBC) Dalawahan niadtong Abril 29 didto sa Fairlanes Bowling Center.

Midaug si Pusod batok ni Mads Lauro sa iskor 116-129, 130-112 ka pinfalls alang sa class A division.

Samtang si Orteza, mihari sa class B dibisyon human gilukapa si Danny Bonjoc sulod sa duha ka duwa, 101-90 ug 96-90 nga gibuak sa pinfalls.

Sa Class C, si Onyot Morales ang nanguna human mitala og 221 pinfalls misunod si Jayvee Baluyot nga 219 pins ug ikatulo si Gani Morre nga 197 pinfalls.

Prisaa-Davao Region mobawi sa 2013

daryl_anunciado — Mon, 30 Apr 2012 12:22:29 +0000

CEBU CITY - Nagpaabot og pasalamat ang Private Schools Athletic Association (Prisaa)-Davao Region president nga si Mo. Assumpta David, RVM, ngadto sa 300-member delegation bisan nahulog sa ikaupat nga pwesto sa Prisaa National Collegiate Games ning bag-ohay lang nahuman sa Cebu City Coliseum.

Ang Southern Mindanao nag-runner-up sa Zamboanga edition sa nasyunal niadtong milabay tuig apan ning tuiga nabutang sa ikaupat human mihakot lang og 27 bulawan medalya, 51 plata, ug 51 bronzes.

Dabaw arnis nanganti mohari sa Palaro

laureenjean — Sun, 29 Apr 2012 11:09:02 +0000

NANGANTI ang pambato arnisadors sa Davao Region Athletic Association (Davraa) nga mohari sa Palarong Pambansa 2012 karong Mayo 6-12 sa Pangasinan.

Sigun ni Arnis team head coach Jose "Boy" Sapar, atol sa pakighinabi kaniya sa athletes' ug coaches' quartering-training sa Davao City National High School (DCNHS), nga 90 porsyento sa secondary boys arnis team ang makmedalyang bulawan sa ilang tagsa ka dibisyon, mao sab sa secondary girls arnis team.

Pacquiao ug Donaire apil sa 'Most Relevant' boxers

daryl_anunciado — Fri, 27 Apr 2012 11:09:45 +0000

DAGHANG dungog karon ang nadawat ni WBO welterweight champion Manny Pacquiao.

Ginganlan si Pacquiao isip usa sa most influential athlete sa tibuok Amerika.

Lakip kang Pacquiao, nalakip sab si WBO super bantamweight champion Nonito "The Filipino Flash" Donaire, sa listahan sa "most relevant" boxers sa kalibutan.

Matud sa boxing website nga Grantland, kauban sa ESPN, naa sa unang puwesto si Pacman samtang pang-pito si Donaire sa maong pasidungog.

Sigun ni Eric Raskin, ang kanhi managing editor sa Ring magazine nga anaa lang sa ikaduhang puwesto si Floyd Mayweather Jr.

Mayweather andam na

laureenjean — Thu, 26 Apr 2012 10:53:34 +0000

GIPAHAYAG ni seven-time world champion Floyd Mayweather Jr. nga nahuman na matud pa ang "hard work" niini sa pagpangandam alang sa nagkadhoul nga away batok kang Puerto Rican star Miguel Cotto.

Matud ni Mayweather, samtang nagkahadoul ang away, nakatutok na lang sila sa mental ug light training.

'Padyak para sa Kinaiyahan' gilusad sa Manay

laureenjean — Wed, 25 Apr 2012 10:40:36 +0000

GILUSAD sa Bikers Union for Emergency Life-saving and Tourist Assistance (Buelta) Manay ang “32km Padyak para sa Kinaiyahan” niadtong Abril 21 didto sa Manay, Davao Oriental.

Ang maong kalihukan kabahin sa pagsaulog sa Earth Day diin nagsugod sila pagpadyak alas 6:00 sa buntag sa Barangay Central ug miabot sa Diomaboc Lake, Sitio Matabang, Barangay Taocanga, alas 4:00 sa hapon.

Mayweather gihagit si Pacman dawaton $40-M guaranteed purse

armiesheila — Tue, 24 Apr 2012 10:35:22 +0000

GIHAGIT ni Floyd Mayweather Jr. si People's Champ Manny "Pacman" Pacquiao nga dawaton ang iyang gitanyag aron madayon ang giatngan sa tanan nga mega fight.

Unang mitanyag si Mayweather kang Pacman og $40 million nga guaranteed purse apan way makuhang bahin ang Pinoy boxer sa kita sa pay-per-view nga gibalibaran sa Team Pacquiao.

Sumala ni Mayweather nga nakaandam siya makigkontra kang Pacman una ang iyang pagretiro sa boxing apan kinahanglan dawaton niini ang iyang gitanyag.

Dugang pa niya, nga dako na ang $40 million nga premyo alang kang Pacquiao.

Summer Sports Fest sa Comval sa Mayo

laureenjean — Sun, 22 Apr 2012 10:52:00 +0000

HUMAN malampuson ang Davraa Meet sa New Bataan, gipangandaman karon sa probinsiya ang 2012 Provincial Summer Sports Fest.

Kini ang gipangulohan ni Provincial Sports Coordinator Tyrone Uy diin nakig-alayon sila niadtong Abril 13 sa mga opisyal sa Sports Development Program sa probinsiya aron mahan-ay ang mga kalihukan.

Ariza gibiyaan si Pacquiao sa training

laureenjean — Sun, 22 Apr 2012 10:51:29 +0000

DISMAYADO ang Team Pacquiao sa desisyon ni conditioning coach Alex Ariza nga mohawa na gikan sa training camp samtang nagsugod pa lang sa high altitude training si pound-for-pound king Manny Pacquiao sa lungsod sa Baguio.

Una niini, milupad na sa Amerika si Ariza human ang closed-door meeting nila ni Pacquiao ug pipila ka miyembro sa team human na sab birthday party ug padispedida sa Colombian coach sa Coyeesan Hotel.

Mga bag-ong techniques vs Bradley gitun-an ni Pacquiao

laureenjean — Fri, 20 Apr 2012 10:32:36 +0000

NINDOT ang nahimong resulta sa high altitude training ni Pacquiao sa Shape Up gym diin siyam ka rounds siya nagpailawom sa punch mitts kauban si coach Freddie Roach.