MIDANGOP sa kapulisan sa Malapatan Sarangani Province  ang usa ka magtiayon aron ireklamo ang suspetsado nga 18 anyos kinsa naaktuhang nagmolestiya sa ilang anak, alas 10 sa buntag, Miyerkules.

Ang biktima giilang si alyas Joy-Joy (tinuod nga ngalan gitago kay menor de edad ) samtang ang suspetsado giilang si alyas Arnulfo ug molupyo sa barangay Poblacion,  Malapatan.

Si alyas Agnes (dili tinuod nga ngalan), inahan sa biktima nagbutyag nga iyang nakit-an ang nahitabo sa iyang anak.

Sumala sa inahan nga kanunay nagalaag ang iyang duha ka mga anak sa ilang mga silingan apan wala sila magdahum nga mahitabo ang di maayo.

"Permi man gud na nagalaag ang akong duha ka mga anak nga babaye sa silingan, unya niadtong higayona unang mipauli ang usa ko ka anak ug akong gipangutana kung asa na ang iyang manghud. Ang sulti sa akong anak nga usa nga nabilin daw sa balay ni Arnulfo, hinungdan nga akong giapas ug nakurat ko tungod kay anaa man sulod sa CR ang akong anak tapos nakit-an nako nga nagluhod ang suspetsado, unsa man diay ang iyang gihimo sa akong anak," matud ni alyas Agnes.

"Gipahulam ko niya og cellphone tapos iya kung gidala sa ilang  CR iyang gipasulod ang iyang tudlo sa akoang kinatawo, sakit gyud kaayo mao nga akong gisumbong sa akong mama ug papa ang iyang gihimo sa akoa," matud ni alyas Joy-Joy.

Anaa na sa kamot sa Children and Womens Concerned Desk ang kaso ug gihimo na sab sa medical examination sa 5 anyos aron masuta kung dunay laceration nga nahitabo. (Mel Coronel)