MAKAUBAN sa romantic-comedy nga 'George and Cecil' sa ABS-CBN ang magtiayon nga Gladys Reyes ug Christopher Roxas.

Ang 'George and Cecil' bidahan sa bag-ong magtiayon nga sila Judy Ann Santos ug Ryan Agoncillo.

Si Gladys, nga pila ka tuig sab nga nahimong Kapuso human mibiya sa ABS-CBN, subling mibalik sa iyang home network aron makauban ang iyang suod nga higala nga si Juday.

Sila si Gladys ug Christopher, kasal na sud sa upat ka tuig ug duha na ang ilang mga anak.

Ang nahisgutang project, magsilbing reunion nila ni Gladys, Christopher ug Judy Ann sukad sa di malimtan nga programa nila niadtong bagets pa sila nga 'Mara Clara.'

Si Mara mao si Juday samtang si Clara, si Gladys nga nagsilbing kontrabida. 

Apan giklaro ni Gladys nga bisan pa man nga kontrabida ang iyang role sa 'Mara Clara,' suod kaayo sila nga friend ni Juday Ann.

Gani, kabahin sila si Gladys ug Christopher sa mga pinili lang kaayo nga mga bisita nga mitambong sa top secret nga wedding nila ni Judy Ann ug Ryan sa San Juan, Batangas.

"Bale ito rin ang project namin together ni Christopher after a while," ni Gladys. "Kaya nga sobrang tuwa ko, dahil magkasama kami."

Matud ni Gladys nga lami sab ang iyang feeling nga nahimo siyang kabahin sa usa ka bag-ong show sa ABS-CBN nga dugay sab niyang nabiyaan tungod sa kadaghan sa iyang shows sa GMA.