GIANGKON ni Maasim Mayor Anecito Lopez Jr,. nga nikatag ang daghang mga text messages dili lang sa Sarangani apil na sa dakbayan sa General Santos nga nanabi nga nakasulod na sa Maasim ang 17 ka mga bombers nga planong mamomba sa probinsiya.

Niadtong unang adlaw sa bulan sa Hulyo nikatag ang mga mensahe nga nagkanayaon "17 Bombers ang nasa Maasim ngayon, may Christian na recruit nila taga Colon lahat sila nakamotor black red at blue. Ang nag lead si Tahil Lokman, Lakman Atmostaser Bakil Mon nga taga Cotabato. Ang kota nila sa harapan ng Albanha Ice plant papasok at sa July 1 and 2 atak nila Sarangani at Cotabato."

Matud ni Mayor Lopez nga wala nila gibalewala ang maong taho  human sila nakasinati og pagpangatake sa mga rebeldeng Lawless Moro Islamic Liberation Front (LMG) niadtong bulan sa Agosto sa nilabay'ng tuig.

"Ato kanang gina-verify tungod kay nakasinati na kita og kasamok sa atong lugar, tanang mga possible nga mahitabo atoa na kanang gipangandaman, gani nakaabot na sa maong lugar ang dugang tropa sa kasundaluhan aron bantayan ang katawhan sa Maasim, hangyo lang nako sa katawhan nga magtinabangay lang tang tanan," matud ni Lopez.

Samtang gihingusgan sab ni Army Lt. Colonel Edgardo de Leon, battalion Commander, sa 73rd IB nga nakabase sa barangay Daliao lungsod sa Maasim nga posibleng pagpanghadlok lang ang maong mga text messages.

Matud ni Colonel de Leon nga gisusi na nila ang giingong 17 ka mga bombers nga nakasulod sa Maasim apan nasuta nga di tinuod.

Apan wa mikompiyansa, nagpadugang sila og mga tawo sa sentro sa lungsod aron mapakgang ang bisan unsang dautang plano sa mga terorista.

"Ako lang ipaabot sa katawhan ilabi na sa Maasim nga dili ta mag-panic tungod sa nikatag nga mga mensahe, ang tanan gihimo na namo gani usa sa mga aktibidades nga among gitutukan mao ang bomb awareness campaign sa tanang mga empleyado sa Munisipyo, mga tinun-an ug sa tanang mga negosyante sa merkado,"