Rebuilding

HELLO tanan kaninyo mga kabugtoan (Winaray sa kaigsuonan) ko! Yes, I'm now here doing some monitoring and evaluation work in the province of Leyte kay gi-hire na sab akong beauty sa ShelterBox, usa ka Emergency Response Organization nga naka-base sa London, UK.

Katuyoan sa ShelterBox nga makahatag og hinabang ug alibyo sa mga biktima sa kalamidad, kagubot ug bagyo bisan asang dapita sa kalibutan, igsuon ko. Yes, mga engkanto (not like ours/dili ingon nato) ni sila nga adunay bulawanong kasing-kasing sa pagtabang sa mga tawong nanginahanglan. Food, temporaryong puluy-anan (tent), gamit pang-kusina, pamanday, pangkatulog ug uban ang pipila sa mga donasyon nila diri sa Pinas.

Base sa akong nakita ug nahinabing mga kabugtoan, pait-pait pa gihapon ang kasagarang kahimtang nila diri, mga inahan. There is so much pain and sadness sa palibot. Dili lang estraktura apan liboan ka kinabuhi gyud ang nakalas dinhi ba.

Sa kasamtangan, anaa pa gihapon ang mga dagkong organisasyon sulod ug gawas sa atong nasud ang nagadunol og hinabang dinhi sama sa Cash for Work program diin suweldohan og tag-P300 – 500 a day ang manglimpyo sa mga kalsada sa barangay, uga ng kalalakin-an kay mamanday. Tungod panagat ug pangisda ang major source of income, mga baruto ug gamit pantanum ang naapod-apod kanila.

Matud sa akong mga naka-istorya, bisan dunay mga hinabang, dili pa daw kini paigo nga motagbo sa tanan nilang gikinahanglan. Apan, siyempre, nagapasalamat gihapon sila tanan niini.

Usa sa ilang gikagul-an mao ang dili pa kaayo nga klarong tubag sa gobyerno kung unsa ug asa sila paadto. Damo kanila na-relocate ang kabalayan gilikay na lagi sa posibleng hulga sa dagkong balud sa kadagatan. Ubay-ubay ang mituo apan naa gyud gihapon ang mga gahi'gulo.

Sa pagkatinuod lang, there's a lot of work to be done...and yes, dili pa ulahi ang pagtabang. Kung gihikap sa Ginoo ang mga kasing-kasing ninyo nga magpadangat og kaayohan dinhi, ayaw na pagduha-duha, mare, kay needed pa kana nila dinhi.

Sige, kani lang una kay busy-busyhan pa gyud ang akong beauty. Have a blessed weekend ahead everybody. Mwaah!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph