|
Tuesday, February 10, 2004
Cudiamat: Ti impormasion
By Bagnos Cudiamat
IMPORTANTE la unay ti impormasion kadagiti umili. Tapno maammuanda no ania dagiti mapaspasamak iti aglawlaw. Ammoda dagiti isyu a makaapektar iti panagbiagda. No ania ti kasasaad ti pagilian. No ania dagiti progreso a maar-aramid iti aglawlaw. Kas koma iti ekonomia ken industria. Iti agrikultura. Edukasion. Siensia ken teknolohia. Ya no dadduma (wenno kinanayon), politika met laengen ti ad-adda a mangngeg. Dida met la iyinpormar dagiti aramid wenno kapanunotan maipanggep iti panagdur-as ti panagbiag. Pagarigan, dagiti mimbension. Dagiti produkto dagiti mannalon. Dagiti pagsayaatan dagiti umili.
Ad-adda ngamin a dagiti intriga ti adda kadagiti information centers. Bigbigat pay laeng, dagiti krimen ti kinanayon a mangngeg wenno mabasa kadagiti radio ken diaryo. Ayna, makauma. Isu nga adu dagiti tao a mabuteng ta dagiti met krimen ti kanayon a maiyinpormar kadakuada. Nakarkaron dagiti tsismis. Ngem isu met ti kaykayattayo, kabsat.
Adda nakaibaga kadakami nga adda maysa a nasion ditoy Asia a nagadu dagiti diarioda. Ket ti linaon dagiti a warnakan? Ti panagprogreso ti pagilianda. Dagiti adu nga imbensionda. Computer. Kabaruanan a cellphones. Dagitay makitam ti kasarsaritam. Bullet trains, eroplano. Public utility vehicles. Dagiti kabaruanan a wagas para agrikultura. Panagmula iti pagay. Lames.
No kasta koma met ditoy Pilipinas, kabsat. Adu dagiti rumbeng nga aramidentayo tapno rumang-ay ri ekonomiatayo. Ngem napakasaki, kuya Joseph. Politika met latta. Adda pay nagkuna a baliwan ti political system ditoy pagilian. Ngem kasano? Dida met ibaga. Ay, mariakosina. Mayat met ngarud dagiti big time politicians? Nebah.
Oy, maitultuloy ti programa a "Good Evening, Baguio" iti telebision ti Cordillera News Agency ditoy Baguio. Ti host ket ni apo Domci Cimatu. Padaanantayo, kabsat. Daytoy a TV program ket mapagadalan dagiti adu nga isyu ditoy Cordillera. Pagarigan, maipapan iti agrikultura. Ti edukasion. Ti industria. Ti ekonomi.
(February 10, 2004 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
|
