|
Monday, March 29, 2004
Cudiamat: Dagiti kontes iti panagsurat
By Bagnos Cudiamat
IDI damona nga adda kontes iti panagsurat iti daniw, sarita ken nobela nga inisponsoran ti Bannawag ken dagiti dadduma nga agessem iti literatura, maamakkami a makisalip. Ngamin, mabutengkami a maabak kadagita a kontes. Ngem naawis ti reggetmi a makikontes. Isu a no adda salip iti panagsurat, nangipatulodkami met. Ket adda met bunga ti panagpuypuyatmi a nagsursurat. Iti tawen 2000, dakami ti nangiyalat iti first prize iti poetry writing nga inisponsoran ti COVVLA literary contest. Dakami ti napili a mannaniw iti tawen 2000. Pinadasmi met ti nakikontes iti panagsurat iti haiku. Naalami ti 5th place. Iti daytoy April 16, impadamag ti maysa a gayyemtayo nga adda iti top 5 ti insuratmi a short story.
Kitaem laeng kadi, kabsat. No adda reggetmo nga agsurat ket adda met supapakna. Asaem laeng ti plumam. Basta suratka a surat.
Idi addakami pay iti haiskul, dakami ti adviser dagiti estudiante a napnapan nakikonkontes kadagiti adu a press conferences. Adu met dagiti estudiantek a nangababak manipud iti division, regional ken national press conferences. Siempre, hapikami no adda ubbingmi a mangabak.
Adda panagnerbios dagiti estudiantek a makikontes. Ngem motivation laeng. Kasano a mangabakkayo no saankayo a makisali? Ang nagwawagi ay hindi umaayaw. Ang umaayaw ay hindi nagwawagi.
Ket no agawidkami manipud kadagiti press conferences, adu met dagiti tropeo ken certificates nga iyawidmi. Maragsakan met dagiti titsers ken ti principalmi. Aglalon dagiti parents dagiti ubbing.
Isu nga uray itatta ket agsursuratkami pay laeng. Agsuratka met, kabsat.
(March 29, 2004 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
|
