|
Wednesday, July 13, 2005
Barrita: Dili 'My Way'
By Eddie O. Barrita
Gikatahong nanganta ang mga Cabinet members og “If We Hold On Together” niadtong gabii nga nangayog pasaylo si
Presidente Arroyo sa katawhan tungod sa iyang lapse of judgment.
Maayo gani, di “My Way” ang ilang gikanta. And now the end is near?
***
Di kapugngan nga ang mga protesta batok sa kagamhanan adto ipahigayon sa Metro Manila kay tua man didto ang seat of government.
Apan supak si Cebu City Mayor Tomas Osmeña nga ang Metro Manila ra maoy magbuot unsay kaugmaon sa nasod.
Maayo pa, ingon niya, let Manila resign from the Philippines. Manila can do whatever they want, but Manila is not the Philippines.
Mahimo bang anhi na lang sa Sugbo mag-opisina ang Presidente? Sama sa Manila, Cebu is not the Philippines.
***
Makapahimuot ang hulga sa mga gobernador nga mobuwag sila sa Pilipinas ug magtukod silag ilang kaugalingong mga republika kon di subayon ang batakang-balaod sa pag-usab sa pamunuan.
Sayon kaayo ang pagdeklarar og independence. Pero lisod and paghulma sa usa ka nasod.
Tan-awag unsay kahimtang sa Pilipinas, human kapin sa 100 ka mga tuig human modeklarar og independence si Gen. Emilio Aguinaldo.
***
Kon madayon ang Federal Republic of Mindanao, hayan nga mao kini ang sinugdan sa pagkapikaspikas sa Pilipinas. Duna na unyay Republic of Bohol, Republic of Cebu. Mokalit lang unyag ka presidente si Cebu Gov. Gwendolyn Garcia.
***
Apan way purohan nga mapikaspikas ang Pilipinas. Gusto pa man ganing sumpaysumpayon ang mga isla.
Sama sa gilaraw nga friendship bridges nga magsumpay sa tulo ka mga lalawigan sa Central Visayas.
—Sun.Star Superbalita [Cebu]
(July 13, 2005 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
