|
Wednesday, July 27, 2005
Barrita: Cell phone
By Eddie O. Barrita
Gipusil ug napatay sa tulisan ang usa ka babayeng kawani sa Mitsumi sa dakbayan sa Danao kay nakalimot kini sa pagdala sa iyang cell phone.
Mao na ni ron, ang tulisan nay magbuot nga magdala ta’g cell phone.
Tungod ini, mosamot kadaghan ang mopalit og cell phone. Kay simbako lang, tulison ka unya wa kay cell phone. Bang!
***
Naka-intercept ang kapulisan sa dakbayan sa Mandaue og usa ka van nga dunay sulod nga tulo ka luxury vehicles nga gituohang smuggled.
Wa mahimuot niini si Port of Cebu Customs District Collector Ma. Lourdes Mangaoang.
Kinsay malipay kon mabuko?
***
Gibutang na ubos sa hurisdiksyon sa atong hukmanan si Calvin Tan, ang gikatahapang financier sa shabu laboratory nga nadiskubrihan didto sa Umapad, Mandaue City.
Nagtingkagol na si Tan sa maximum security cell sa Cebu Provincial Detention and Rehabilitation Center.
Ang pagkadiskubre sa shabu laboratory maoy nakapugong nga ang Cebu di mahimong Province of Shabu.
***
Maayong mointriga ang nasikop nga gikatahapan tulisan nga si Danny Limotan.
Matod niya, dunay plano ang laing nasikop nga gikatahapang tulisan nga giputlan nag tiil, Rey Torres, nga patyon ang bantugang komentarista nga si Bobby Nalzaro ug ang pulis nga si SPO1 Adonis Dumpit.
Unsay gusto mi Limotan, nga tiwasan si Torres?
***
Bisan kon ika-13 lang si Sonny Osmeña sa miaging piniliay sa mga senador dinhi sa lalawigan sa Sugbo, daghan gihapon ang nagtahod kaniya.
Usa sa iyang daghang abilidad mao nga nasag-o niya ang ngan sa iyang mga tigpaluyo sukad pa sa iyang pagsugod sa pulitika.
Ang nakadaot lang kay niingon siya nga magpuasa ang mga Sugbuanon nga wa maatol sa Semana Santa.
--Sun.Star Superbalita-Cebu
(July 27, 2005 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
