|
Wednesday, August 31, 2005
Barrita: Break it
By Eddie O. Barrita
Niguwang numero uno ang Sugbo sa 79 ka mga lalawigan sa tibuok nasod bahin sa assets ug depositong cash sa banko, matod sa taho sa Commission on Audit. Busa, di maayong buakbuakon ang Sugbo, matod pang Gov. Gwendolyn Garcia.
If it aint broke, why fix it?
Apan alang niadtong pabor sa Sugbuak, if it aint broke, break it.
***
Sumala sa survey sa Archdiocese of Cebu, gisalindot ang Sugbuak sa mga parokyano sa tulo ka mga distrito nga gilaraw nga bughaon sa ilang mga kongresista gikan sa Sugbo ug himuong mga bag-ong probinsya.
Matod ni Cebu Archbishop Ricardo Cardinal Vidal, kini nagmatuod sa iyang hugot nga pagtuo nga mayoriya sa mga Sugbuanon supak sa Sugbuak.
Mao diay nga ang mga kong-resistang nagpaluyo sa Sugbuak di na gustong public hearing dinhi sa Sugbo.
Kay unsa pa may hearingon nga hastang ilang mga constituent supak man ni?
***
Yano ra kaayo ang tuyo sa mga politiko nga gustong bughaon ang lalawigan as Sugbo.
Sa pulong pa ni Msgr. Achilles Dakay, Cebu archdiocesan media liaison officer, “They want to divide and rule.”
***
Kadtong gustong dali-dalian ang plebisito sa Sugbuak nag-atubang karon sa usa ka dakong pangutana: Kinsay mogasto sa plebisito?
Tataw nga supak si Cebu Gov. Gwendolyn Garcia nga adto kuhaon sa panudlanan sa lalawigan sa Sugbo ang gasto sa plebisito kay supak man siya sa pagkabuakbuak sa Sugbo.
***
Way eleksiyon sa mga opisyal sa barangay karong tuiga, matod pang Kong. Raul del Mar (Cebu City, north).
Hayan sa 2006 pa o kaha sa 2008. Makaginhawa nag lawom ang mga kapitan ini.
Kay wa pay kahigayunan kadtong gustong mopuli sa ilang puwesto.
--Sun.Star Superbalita [Cebu]
(August 31, 2005 issue)
Write letter to the editor. Click here.
Join the Sun.Star message board. Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
