|
Saturday, September 03, 2005
Barrita: Impeachment
By Eddie O. Barrita
Sa mosugot tag sa di, ang impeachment proceedings sa House of Representatives usa ka numbers game.
Kon makuha sa pro-impeachment congressmen ang magic number nga 79 ka mga kongresista nga mopirma sa impeachment, iduso dayon kini ngadto sa Senado aron bistahon.
Kon di, impas ang impeachment.
***
Sa laktod, ang impeachment proceedings nga gilatid sa atong batakang balaod nga bugtong paagi pagpalagpot sa Presidente duwa gihapon sa pulitika.
Kadtong daghan og tigpaluyo, mao gihapon ang modaog.
***
Makauuwaw ang gihimong kaguliyang sa pipila ka mga kongresista niadtong Martes. Gawas sa sininggitay ug walkout, gisalibwag pang ilang mga papeles ug mga dokumento sa hawanan sa Kongreso.
Di ni maayong panig-ingnan sa kabataan.
Busa, sa sunod nga live TV coverage sa Kongreso, maayong butangan og pahimangno: Parental Guidance Required.
***
Tan-awa, hastang mga sakop sa militanteng pundok nga nagtan-aw sa impeachment proceedings didto sa VIP section sa gallery niapil sab pagsabwag og mga leaflet niadtong Miyerkules.
Maayo na lang gani kay nakapangandam si Kong. Manuel "Way Kurat" Zamora sa Compostela Valley sa iyang silhig tukog ug garbage bag.
Hala, pasiugda pa mo.
***
Angay susihon sa Commission on Higher Education ang mga unibersidad ug kolehiyo nga nagtanyag og mga kurso sa edukasyon kun ang ilang kurikulum takdo pa ba sa pangi-nahanglan sa modernong panahon.
Angayan sab nga umentohan ang sweldo sa mga magtutudlo aron daghan niadtong mga bright nga graduwado sa high school mokuhag kurso sa edukasyon.
--Sun.Star Superbalita [Cebu]
(September 3, 2005 issue)
Write letter to the editor. Click here.
Join the Sun.Star message board. Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
