|
Saturday, September 17, 2005
Barrita: Habal-habal
By Eddie O. Barrita
Gilalisan sa mga sakop sa Cebu City Council ang paggamit sa pulong habal-habal. Sama sa motorsiklong depasaheruan nga popular kaayo sa mga bukirang barangay, di pa diay makabarog ang pulong habal-habal nga siya rang usa.
Kay sa record sa Konseho, gihimo nila kining "motorcycle-for-hire, popularly known as habal-habal."
Nganong magdiki-diki man sila sa paggamit sa pulong habal-habal? Ang delikado kon ang ilang masuwat habal.
***
Unsa kahay mahitabo kon ang atong mga halangdong konsehal sa dakbayan sa Sugbo, nga dunay service vehicles, maikag sa pagsakay og habal-habal?
Mosugo sila sa ilang staff nga, parahe mi og "motorcycle-for-hire popularly known as habal-habal?"
***
Giagwanta lang ni PO2 Luchelle Luchavez Tejano ang mga kulata sa iyang bana nga si PO2 Karl Lou Tejano hangtud nga niabot ang higayon nga gipatay na gyud siya sa iyang bana.
Pagbantay sa gugmang nag-uros-uros. Dako pa gyud ning balita. Kay si Luchele sakop sa Philippine National Police Family Juvenile and Gender Sensitivity Unit nga maoy gitahasan sa pagtagad sa mga kaso sa pangabuso sa kababayen-an ug kabataan.
***
Gusto ni Acting Cebu Provincial Police Director Vicente Loot nga ideklarar nga criminal groups ang duha ka nagkabanging fraternities, ang Akrho ug Tau Gamma.
Gipahipos niya ang tanang mga duguong hitabo nga naglambigit sa duha ka fraternities.
Di tingali mahimong parehason ang tanang mga sakop sa duha ka mga pundok. Pero kadtong nakahimog krimen kinahanglan gyud nga gukdon ug taralon sa hukmanan.
—Sun.Star Superbalita [Cebu]
(September 17, 2005 issue)
Write letter to the editor. Click here.
Join the Sun.Star message board. Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
