|
Wednesday, November 02, 2005
Barrita: Kalag-kalag
By Eddie O. Barrita
Tinuod bang mobalik ang mga kalag?
Mokabat na sa usa ka gatos ka mga tawong dunay criminal record ang gipamatay sa mga vigilantes dinhi sa dakbayan sa Sugbo.
Tan-awon nato kon kagon ba ning mga vigilantes ug kadtong naka-inspire nila.
***
Ambot kon tinuod ba ni. Tungang gabii na sa dihang nadunggan sa sepultorero nga dunay nagtiltil sa usa ka netso sa menteryo. Giadto niya kini sa pagtuo niyang kawatan kini nga nanglungkab sa netso.
Apan maoy iyang nakita ang usa ka tiguwang. Gipangutana niyag unsay gibuhat sa tiguwang ug mitubag kini: Sorry kaayong nakasamok ko nimo dong. Giusab ko ra ning akong ngan kay wrong spelling.
***
Daghang ang mga reaksyon bahin sa atong lindog mahitungod sa klase sa mga buang. Dunay nangutana nga kon ang mga kontra ni Cebu City Mayor Tomas Osmeña maoy pabut-on, unsang klaseha kaha sa buang siya ibutang.
Dakong sayop silang tanan. Matod sa mga eksperto, there is a thin line dividing genius and insanity.
Si Mayor Osmeña genius. Tiaw mo, siya ray makahatag og security pass sa South Coastal Road nga wa niya pasirad-i.
***
Gusto ni Konsehal Edgardo Labella nga dunay AM radio ang tanang taxi units nga nagdagan dinhi sa dakbayan sa Sugbo. Multahan og P5,000 kadtong way AM radio.
Matod pa ni Konsehal Labella makatabang kini sa pagluwas sa kinabuhi ug kabtangan panahon sa mga emerhensya ingon man kon dunay hot pursuit sa mga kriminal.
Ang pangutana ani, kon unsang estasyon ang paminawon?
Kang Super Bobby Nalzaro nga paborito ni Konsehal Jun Pe?
(Sun.Star Superbalita [Cebu]
(November 2, 2005 issue)
Write letter to the editor. Click here.
Join the Sun.Star message board. Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
