|
Wednesday, December 14, 2005
Barrita: Crab mentality
By Eddie O. Barrita
Nireklamo sila si Siquijor Gov. Orlando Fua ug Dumaguete City Mayor Agustin Perdices nga gisuyop sa Imperial Cebu ang labing dagkong mga proyekto sa rehiyon.
Mao ni gidangatan sa Sugbo kansang mga opisyal sigeng reklamo kaniadto batok sa Imperial Manila.
Apan duna bay Imperial Cebu? Ang Sugbo ba maoy magbuot ug mohukom sa kaugmaon sa iyang mga silingang lalawigan?
Angay nga ipatin-aw dayon nga kugihan ug abtik lang ang mga opisyal sa Sugbo sa pagkuhag mga infrastructure project sa di pa ni sila ipabarang.
***
Di ikalimod nga dunay mga opisyal sa kagamhanan nga mas abtik sa paghimog plano sa mga infrastructure project.
Maong dunay mga lalawigan nga mas daghan og mga proyekto.
Angay nga tan-awon sa Regional Development Council (RDC) nga maangay ang tanang mga lalawigan sa rehiyon aron di mabiyaan ang uban.
Tan-awa, samtang giandam na ang paghimog parallel runway sa Mactan Airport nga mobalor sa kapin sa P1 bilyon, wa pay airport ang Siquijor.
***
Ang reklamo sa duha ka mga opisyal batok sa Imperial Cebu di matawag nga crab mentality.
Ginaingon nga maong di makaikyas ang mga alimango nga gisud sa bukag kay kon mokatkat ang usa ka alimango padung sa taas, birahon man siya niadtong naa sa ubos.
Apan tinuod bang dunay crab mentality? Gisusi ang mga merkado ug gitun-an nganong di makaikyas sa bukag ang mga alimango.
Mao kini resulta sa pagtuon: Di tinuod nga kadtong mokatkat sa taas birahon sa alimango nga naa sa ubos.
Wa gani bisan usa na lang ka alimango nga mokatkat sa taas kay ang ilang mga paak gipanggapos man.
--Sun.Star Superbalita [Cebu]
(December 14, 2005 issue)
Write letter to the editor. Click here.
Join the Sun.Star message board. Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
